Welcome - Home Essentials

17/04/2024

💦🙏 မြန်မာသက္ကရာဇ် (၁၃၈၆) ခုနှစ်၊ ဧပြီလ (17) ရက်နေ့မှာ ကျရောက်သော မြန်မာနှစ်ဆန်းတစ်ရက်နေ့ မဟာသင်္ကြန်အခါသမယမှာ စီးပွားလာဘ်လာဘတွေတိုးတက်ပြီး ကျန်းမာရွှင်လန်းကြပါစေကြောင်း Welcome Home Essentials (WHE) မိသားစုမှ နှစ်သစ်ဆုမွန်ကောင်း တောင်းအပ်ပါသည် 💦🙏

01/01/2024

🥳 HAPPY NEW YEAR 🥳
‎‎
🥂✨HELLO 2024
‎‎‎
✨Welcome Home Essentials ရဲ့ မိတ်ဟောင်းမိတ်သစ် Customer တွေအတွက် နှစ်သစ်ဆုတောင်းလေးကတော့ …
‎‎‎
🙏 2024 နှစ်သစ်ဟာ အောင်မြင်မှုတွေ၊ ပျော်ရွှင်မှုတွေ၊ ချစ်ခင်မှုတွေ နဲ့ ပြည့်ဝနေမယ့် နှစ်သစ်တစ်ခု ဖြစ်ပါစေ
‎‎‎
💝 တွေ့ကြုံရမယ့် အခက်အခဲ၊ စိန်ခေါ်မှုတွေအားလုံးကို ကောင်းကောင်းမွန်မွန်ကျော်ဖြတ်နိုင်ပြီးတော့ အမှတ်တရကောင်းတွေပြည့်နေတဲ့ နှစ်သစ်တစ်ခုဖြစ်ပါစေလို့ ဆုတောင်းပေးလိုက်ပါတယ်နော်
‎‎‎
🥰 Welcome Home Essentials ရဲ့ Customer တွေအားလုံး စိတ်သစ်၊ လူသစ်၊ ကျန်းမာပျော်ရွှင်စွာနဲ့ 2024 နှစ်သစ်ကို တူတူကြိုဆိုလိုက်ရအောင်

11/12/2023

📣 ဆီးချိုထမင်းပေါင်းအိုး အာမခံပေါ်လစီပြောင်းလဲကြောင်း အသိပေးခြင်း
‎
လက်ရှိအခြေအနေများကြောင့် ညီမတို့ရဲ့စက်ရုံမှ အပိုပစ္စည်းများ သယ်ယူပို့ဆောင်ရန် အခက်အခဲများစွာ ကြုံတွေ့နေရပါသည်
‎
ထို့ကြောင့် (1) နှစ်အောက်သက်တမ်းရှိသော ဆီးချိုထမင်းပေါင်းအိုးများကိုသာ Service ပေးနိုင်တော့မှာဖြစ်ပြီး (1) နှစ်ကျော်သက်တမ်းရှိသော ဆီးချိုထမင်းပေါင်းအိုးများကိုတော့ အပိုပစ္စည်းမလုံလောက်မှုကြောင့် Service မပေးနိုင်တော့ကြောင်း ဝမ်းနည်းစွာ အသိပေးအပ်ပါသည်
‎
သို့သော်လည်း Customer များရဲ့ အရေးတကြီး လိုအပ်ချက်အခက်အခဲများပေါ်မူတည်ပြီး တတ်နိုင်သလောက် Service ပေးနိုင်ရန် ကြိုးစားဆောင်ရွက်ပေးပါမည်
‎
အဲ့ဒီလိုအခြေအနေတွေမှာတော့ ပေးရတဲ့ Service ပေါ်မူတည်ပြီး ပြုပြင်ခအနည်းငယ် ကျသင့်နိုင်သည်ကိုတော့ နားလည်ပေးစေလိုပါသည်
‎
မတည်ငြိမ်သော အခြေအနေများကြောင့် Welcome Home Essential ၏ ပေါ်လစီများ ပြောင်းလဲခြင်းအပေါ် Customer များ နားလည်နိုင်မည်ဟု မျှော်လင့်မိပါသည်
‎
🙏 ယခုအချိန်ထိ ဝယ်ယူအားပေးခဲ့ကြသော Customer တစ်ယောက်ချင်းစီတိုင်းကို Welcome Home Essential မှ အထူးကျေးဇူးတင်ရှိပါသည်.......

08/12/2023

ကိုယ့်မီးဖိုချောင်မှာ လက်နှီးစုတ်တစ်ခုတည်းကို ဘက်စုံသုံးနေတယ်ဆိုရင် ဒီစာလေးကို ဖတ်ဖြစ်အောင်ဖတ်နော် 🙌

📢 မီးဖိုချောင်ထဲမှာ နေ့စဥ်ထိတွေ့နေရတဲ့ ဒီအရာလေးကို ပေါ့တန်တန် တွေးမထားပါနဲ့ အိမ်ရှင်မတို့။

‎
🙋 အိမ်ရှင်မတိုင်းရဲ့ မီးဖိုချောင်ထဲမှာ ဟင်းတွေချက်ပြုတ်ပြီးရင် သန့်ရှင်းရေးလုပ်ဖို့ဆိုပြီး လက်နှီးစုတ်လေးတစ်ခု အမြဲလိုလို ဆောင်ထားကြတာကို သတိထားမိကြမှာပါ။ အထူးသဖြင့် မြန်မာနိုင်ငံက အိမ်ထောင်ရှင်မ အမျိုးသမီးတိုင်းမှာ တွေ့ရတတ်ပါတယ်။
‎

💁🏻‍♀️ အားလုံးသိတဲ့အတိုင်း မီးဖိုချောင်ဆိုတာ အိမ်တစ်အိမ်လုံးမှာ ညစ်ပတ်အလွယ်ဆုံး နေရာတစ်နေရာဖြစ်ပြီး အမြဲဂရုတစိုက် သန့်ရှင်းပေးဖို့ လိုအပ်နေတဲ့ ရပ်ဝန်းငယ်တစ်ခုလည်း ဖြစ်ပါတယ်။ အသား၊ငါးတွေ ချက်ပြုတ်ပြင်ဆင်တာကနေစပြီး ပန်းကန်ဆေးတဲ့အထိ ဒီနေရာမှာပဲ အချိန်ပြည့်လုပ်ဆောင်နေရတော့ မမြင်ရတဲ့ ဘက်တီးရီးယားပိုးမွှားများစွာက မီးဖိုချောင်ရဲ့ နေရာတိုင်းမှာ ပေါက်ဖွားနေတတ်ပါတယ်။

‎
🐛 ဒါ့ကြောင့် မီးဖိုချောင်ထဲက ရေစိုနေတဲ့စင်တွေ၊ ပန်းကန်တွေကို ရေသုတ်တဲ့အခါတို့၊ အိုးတွေကို မီးဖိုပေါ်ကနေ ချတဲ့အခါတို့၊ စားပွဲတွေကို သုတ်ချတဲ့အခါတို့မှာ အသုံးပြုလေ့ရှိတဲ့ စိုထိုင်းနေတဲ့ လက်နှီးစုတ်လေးမှာ မိသားစုကျန်းမာရေးကို ထိခိုက်စေနိုင်တဲ့ ရောဂါပိုးမွှားတွေ အများကြီး ကပ်ငြိနေနိုင်ပါတယ်။
‎

🤦 အိမ်ရှင်မ အများစုကလည်း မီးဖိုချောင် သန့်ရှင်းရေးအတွက် အသုံးချခံနေရတဲ့ ဒီလက်နှီးစုတ်လေးကိုပဲ သန့်ရှင်းရေး ပြန်လုပ်ပေးဖို့ မေ့လျော့နေကြတာ များပါတယ်။ ပိုးမွှားပေါင်းစုံ ကပ်ငြိနေတဲ့ လက်နှီးစုတ်လေးကို ကိုင်ပြီး လက်ကို ဆပ်ပြာနဲ့ စင်ကြယ်အောင် မဆေးရင်တော့ ဘယ်လောက်ပဲ သန့်ရှင်းလတ်ဆတ်တဲ့ အစားအစာတွေကို ချက်ပြုတ်ထားတယ်လို့ ပြောပါစေ ရောဂါပိုးမွှားတွေ ပါဝင်နေတဲ့ ဟင်းပွဲတွေကို ဖန်တီးနေမိဦးမှာပါပဲ။
‎

🚫 ဒါ့အပြင် မီးဖိုချောင်သုံး လက်နှီးစုတ်လေးကို အချိန်ကြာကြာ အသုံးပြုပြီးမှ လျှော်တာဟာ မိသားစုကျန်းမာရေးအတွက် ဒီလိုမျိုး အကျိုးဆက်တွေကို ဖြစ်ပေါ်လာစေနိုင်ပါတယ်။

‎
📌 ဗိုက်အောင့် ဗိုက်နာတာ
📌 အစာ အဆိပ်သင့်တာ
📌 ဝမ်းပျက်ဝမ်းလျှောဖြစ်တာ
📌 အူရောင်ငန်းဖျားဖြစ်တာ
📌 နေမကောင်းဖြစ်တာ စတဲ့ ရောဂါဝေဒနာတွေကို ခံစားရနိုင်ပါတယ်။

‎
🤷 ဒီတော့ ဒီလိုမျိုး ရောဂါဝေဒနာဆိုးတွေကို မခံစားရအောင် လက်နှီးစုတ်လေးကို ဘယ်လိုအသုံးပြုရမလဲ။
‎

✅ အစားအသောက်တွေနဲ့ လက်နှီးစုတ်ကို ခပ်ဝေးဝေးမှာ ထားပါ။

‎
✅ ဖြစ်နိုင်ရင် လက်နှီးစုတ်တွေကို တစ်ရက်တစ်ခါ လျှော်ပေးပါ။ ဒါပေမဲ့ ( 3 ) ရက်ထက်တော့ ပိုမသုံးမိပါစေနဲ့။

‎
✅ လက်နှီးစုတ်ကိုင်ပြီးတိုင်း လက်ကို ဆပ်ပြာနဲ့ စင်ကြယ်အောင် ဆေးပြီးမှ အစားအသောက်တွေကို ချက်ပြုတ်ပြင်ဆင်ပါ။
‎

✅ သူ့အကန့်နဲ့သူ လက်နှီးစုတ်တွေကို ခွဲသုံးပါ။ ( ဥပမာ− မီးဖိုချောင်သုံး၊ အိမ်သန့်ရှင်းရေးသုံး…..)

‎
✅ လက်နှီးစုတ်တွေကို ( 3 ) လတစ်ကြိမ် အသစ်လဲပေးပါ။
‎

🖐️ ဒီအချက်တွေအတိုင်း လက်နှီးစုတ်လေးကို စနစ်တကျ အသုံးပြုမယ်ဆိုရင်တော့ ကျန်းမာရေး ဘေးအန္တရာယ်တွေ ဖြစ်မလာအောင် မိသားစုအတွက် ကြိုတင်ကာကွယ်ထားပြီးသား ဖြစ်မှာပါ။

‎
🥰 သေးငယ်တယ်လို့ ထင်ရတဲ့ အရာလေးတွေက ကြီးမားတဲ့ အကျိုးသက်ရောက်မှုကို ဖြစ်စေတတ်တာကြောင့် မပေါ့မဆပဲ ခုတည်းက အလေ့အကျင့်ကောင်းတွေကို ပြောင်းလဲပျိုးထောင်ထားဖို့ တိုက်တွန်းရင်း ဒီဆောင်းပါးလေးကို အဆုံးသတ်ပါရစေ။

07/12/2023

ယနေ့ ဒီဇင်ဘာလ (𝟕) ရက်နေ့ဟာဆိုရင်တော့ မြန်မာတို့ရဲ့ ❝(𝟏𝟎𝟑) ကြိမ်မြောက် အမျိုးသားနေ့❞ ပဲ ဖြစ်ပါတယ်။
‎‎‎‎
❝အမျိုးသားနေ့❞ ဟာ မြန်မာ့သမိုင်းစာမျက်နှာမှာ အလွန်တရာ အရေးပါခဲ့တဲ့ နေ့ထူးနေ့မြတ်တစ်ရက် ဆိုရင်လည်း မမှားပါဘူး။
‎‎‎‎
‎‎‎‎
🙌 ❝အမျိုးသားနေ့❞ ဖြစ်ပေါ်လာပုံကို အကျဉ်းချုံး ရှင်းပြရမယ်ဆိုရင် …
‎
(𝟏𝟗𝟐𝟎) ပြည့်နှစ်ကာလမှာ ဗြိတိသျှကိုလိုနီ အစိုးရဟာ မျှတမှုမရှိတဲ့ ယူနီဗာစတီအက်ဥပဒေတစ်ရပ်ကို ပြဌာန်းပြီး မြန်မာကျောင်းသားများရဲ့ ပညာသင်ကြားခွင့်ကို ဖိနှပ်ချုပ်ချယ်ဖို့ ကြိုးစားခဲ့ပါတယ်။
‎‎‎
ဒီလိုဖိနှိပ်မှုကို သည်းခံနိုင်စွမ်းမရှိတဲ့ မြန်မာကျောင်းသားထုဟာ နောင်တစ်ချိန်မှာ အမျိုးသားအောင်ပွဲရယ်လို့ ဖြစ်လာမယ့် တက္ကသိုလ်ကျောင်းသားသပိတ်ကြီးကို စတင်ဆင်နွှဲခဲ့ကြပါတော့တယ်။
‎‎‎
ဒီသပိတ်ကြီးမှာ ရွပ်ရွပ်ချွံချွံ ပါဝင်ခဲ့ကြတဲ့ တက္ကသိုလ်ကျောင်းသားများရဲ့ ရဲရင့်မှု ၊ စိတ်ဓာတ်ခိုင်မာမှု ၊ စည်းလုံးညီညာမှုတို့ကို မှတ်ကျောက်တင်ဂုဏ်ပြုတဲ့အနေနဲ့ တန်ဆောင်မုန်းလဆုတ် (𝟏𝟎) ရက်နေ့ကို ❝အမျိုးသားနေ့❞ အဖြစ် သတ်မှတ်ခဲ့ကြတာပါ။
‎‎
‎‎‎
🎉 ဒီလိုမျိုး အဓိပ္ပါယ်လေးနက်ပြီး သမိုင်းအနှစ်သာရပြည့်ဝလှတဲ့ ❝(𝟏𝟎𝟑) ကြိမ်မြောက် အမျိုးသားနေ့❞ ကို ညီမတို့ 𝐖𝐞𝐥𝐜𝐨𝐦𝐞 - 𝐇𝐨𝐦𝐞 𝐄𝐬𝐬𝐞𝐧𝐭𝐢𝐚𝐥𝐬 မိသားစုကနေပြီးတော့ ဝမ်းမြောက်ဝမ်းသာစွာနဲ့ လှိုက်လှိုက်လှဲလှဲ ကြိုဆိုဂုဏ်ပြုလိုက်ရပါတယ်ရှင်။
‎‎‎