𝙿𝚕𝚊𝚗𝚝 𝚂𝚝𝚞𝚍𝚒𝚘

16/05/2025

27/12/2023

ထပ်တရာပန်း (calendula officinalis)🌼🌼🌼

🌼ထပ်တရာပန်းပင်ရဲ့ ရုက္ခဗေဒအမည်မှာ 'ကလင်ဒျူလာ အော့ဖီဆီနဲလစ်'ဖြစ်ပါတယ်။
အဆိုပါအပင်ဟာ တစ်နှစ်ခံပင်ပျော့ မျိုးဖြစ်ပြီး 'ကွန်ပေါ်ဇီတီ'မျိုးစဉ်မှာ ပါဝင်ပါတယ်။

ဥရောပ တိုက်တောင်ပိုင်းမှာ မူလပေါက်ရောက်ပါတယ်။ အပင်က ချုံပင်ဆန်တဲ့ အပင်မျိုးဖြစ်ပြီး အမြင့် ၁၂ လက်မခန့်ရှိပါတယ်။ အရွက်ရှည်မျောမျောရှိပြီး အပွင့်တွေ ကြီးကာ လိမ်မော်ရောင်ဖြစ်ပါတယ်။

နွေကူးဥတုကနေ ဆောင်းကူးဥတုတိုင် အောင် အပွင့်မြောက်မြားစွာပွင့်ပါတယ်။ ပွင့်ဖတ်တွေက နေဝင်တာနဲ့ တပြိုင်နက် ငုံသွားကြသည်။ ထပ်တရာပင်ကို ရှရကာရည်ပြုလုပ်ရာနဲ့ ဟင်းခတ်အမွှေးအကြိုင် ပြုလုပ် ရာမှာ အသုံးပြုကြပါတယ်။

မက္ကဆီကိုမှာ မူလပေါက်ရောက်တဲ့ ပြင်သစ်ထပ်တရာ ပင်နဲ့ အာဖရိကန် ထပ်တစ်ရာပင်တို့က မျိုးစုတစ်မျိုးထဲမှာပါဝင်ကြပါတယ်။

ပြင်သစ် ထပ်တစ်ရာပန်းရဲ့ ရုက္ခဗေဒနာမည်က 'တဂျီတီ ပတ်တျူလာ' ဖြစ်ပြီး ထိုထပ်တစ်ရာပန်းပင်က တစ်ပေခန့်သာ မြင့်တဲ့ ချုံပင်မျိုးဖြစ်ပါတယ်။

ပန်းပွင့်အရောင်က ရွှေဝါရောင်ဖြစ်ပြီး အနီကြောင်းတွေလည်း ပါပါတယ်။ အာဖရိ ကန် ထပ်တစ်ရာပန်းရဲ့ ရုက္ခဗေဒနာမည်က 'တဂျီတီ အီရက် တာ'ဖြစ်ပြီး အဲ့ဒီထပ်တစ်ရာပင်မျိုးက၂ ပေကနေ ၃ ပေအထိ မြင့်ပါတယ်။

ပန်းပွင့်အရောင်တွေကတော့ အဝါဖျော့ကနေ လိမ္မော်ရောင် ရင့်ထိ အရောင်အမျိုးမျိုးရှိတတ်ပါတယ်။🌼

ကိုးကား - မြန်မာ့စွယ်စုံကျမ်း အတွဲ ၅

15/08/2021

🌵 𝙰𝚗𝚝𝚑𝚞𝚛𝚒𝚞𝚖 𝙼𝚊𝚐𝚗𝚒𝚏𝚒𝚌𝚞𝚖🌵 (ချမ်း သာ ကြီး ဂ မုန်း)
+++++++++++++++++++
မြန်မာအခေါ် ချမ်းသာကြီးဂမုန်း ပင်ဟာ ကြီးမားလှပတဲ့ အရွက်တွေကြောင့် အိမ်တွင်းဧည့်ခန်းအလှဆင်ဖို့ သင့်လျော်တဲ့ ဂမုန်းအနွယ်ဝင်ပန်းပင်တစ်မျိုးဖြစ်ပါတယ်။

သိပ္ပံအမည် Anthurium magnificum လို့ခေါ်ဆိုတဲ့ ချမ်းသာကြီးဂမုန်းဟာ Araceae အနွယ်ဝင် Anthuriumမျိုးရင်းထဲမှာ ပါဝင်ပါတယ်။

ဒီအပင်ကို သူ့ရဲ့ လှပသန်စွမ်းတဲ့ အရွက်ရဲ့ထူးခြားမှု့ကြောင့် လူကြိုက်များတာဖြစ်ပြီး တန်ဖိုးလည်းကြီးမားတဲ့ အပင်တစ်ပင်ဖြစ်ပါတယ်။

မြန်မာနိုင်ငံထဲမှာ တစ်ပင်ကို အပင်ရဲ့ အရွယ်အစား၊ ကျန်းမာသန်စွမ်းမှု့အပေါ်မူတည်ပြီး ၅သောင်းကျပ်ကနေ ၁သိန်းကျော်အထိ စျေးနှုန်းသတ်မှတ်ခံရတဲ့အပင်လည်းဖြစ်ပါတယ်။

နိုင်ငံတကာစျေးကွက်ထဲမှာဆိုရင်လည်း online shopping ဝက်ဘ်ဆိုက်တွေဖြစ်တဲ့ ebayမှာ ဒေါ်လာ ၄၀ကနေ ဒေါ်လာ၂၀၀ကြားအထိရှိပြီး Amazon မှာဆိုရင် စတာလင်ပေါင် ၃၆ပေါင်နဲ့ရောင်းချနေတာတွေ့ရပါတယ်။

ချမ်းသာကြီးဂမုန်းရဲ့ အပင်အမြင့် နဲ့ အရွက်ကျယ်ပြန့်မှု့ဟာ၂၄လက်မကနေ လက်မ၆၀ (၂ပေမှ၅ပေ)အထိမြင့်မားကျယ်ပြန့်နိုင်တဲ့အတွက် Indoor plant အနေနဲ့ အကောင်းဆုံးအလှဆင်နိုင်မှာဖြစ်သလို သဘာဝတောတွင်းခံစားမှု့ကိုကောင်းကောင်းပေးစွမ်းနိုင်မှာတော့သေချာပါတယ်။

ဒီဂမုန်းကိုစိုက်ရင်သတိထားရမှာကတော့ အဆိပ်သင့်နိုင်တာဘဲဖြစ်ပါတယ်။သူ့ရဲ့အရွက်မှာ လူနဲ့တိရိစ္ဆာန်တွေကို အဆိပ်သင့်စေတဲ့ calcium oxalate crystals ဓါတ်ပေါင်းတွေမြင့်မားစွာပါဝင်နေပါတယ်။

(ချမ်းသာကြီးဂမုန်းနဲ့ပက်သက်တဲ့ ဖတ်ရှု့သူရဲ့ သဘောထားမှတ်ချက်များကို အောက်ပါ comment box တွင်ရေးသားမျှဝေနိုင်သလို သင်သိထားသောအချက်အလက်များကိုလည်း ထပ်မံမှတ်ချက်ပေးနိုင်ပါတယ်)
#ချမ်းသာကြီးဂမုန်း #အိမ်တွင်းအလှဆင်ပင်များ #သစ်ပင်စိုက်ပါ
#မြေကမ္ဘာကိုစောင့်ရှောက်ပါ

14/08/2021

Plant Studio သည် မြန်မာဘာသာဖြင့်ရေးသား ဖော်ပြသော ဥယာဉ်ခြံနှင့် ပန်းမာန်သစ်ပင်စိုက်ပျိုးခြင်းဆိုင်ရာ ဘလော့တစ်ခုဖြစ်သည်။ Plant Studio သည် ရန်ကုန်မြို့တွင် အ‌ခြေစိုက်သော သစ်ပင်စိုက်ပျိုးခြင်းဝါသနာပါသူများစုစည်းတည်ထောင်ထားသောစာမျက်နှာတစ်ခုဖြစ်ပြီး စိုက်ပျိုးခြင်းနှင့် ပက်သက်သော သတင်းအချက်အလက်မျှဝေရာ နေရာတစ်ခုဖြစ်သည်။

#သစ်ပင်စိုက်ပါ

14/08/2021

𝚃𝚘 𝚙𝚕𝚊𝚗𝚝 𝚊 𝚐𝚊𝚛𝚍𝚎𝚗 𝚒𝚜 𝚝𝚘 𝚋𝚎𝚕𝚒𝚎𝚟𝚎 𝚒𝚗 𝚝𝚘𝚖𝚘𝚛𝚛𝚘𝚠.
💚💚💚💚💚💚💚💚💚💚💚💚💚💚
🌵 Studio.