https://t.me/kyanmagazine, https://www.youtube.com/@kyanmagazine

ကြန် - Kyan, Yangon (2026)

22/05/2026

မြန်မာ့ဗိသုကာလက်ရာတွေ အကြောင်းပြောရင် ပုဂံခေတ်ကို အထင်ရှားဆုံး၊ ကုန်းဘောင်ခေတ်ကို အနီးကပ်ဆုံး မြင်ကြ ပြောကြပေမဲ့ ခေတ်လယ်ကာလကတော့ အလယ်မှာ လပ်ပြီး ကျန်နေလေ့ရှိတယ်။ အဲဒီကွက်လပ်လေးကို ဖြည့်ပေးနိုင်ဖို့အတွက် ပင်းယ၊ အင်းဝ၊ စစ်ကိုင်း၊ ဟံသာဝတီခေတ်များနဲ့ ရခိုင်၊ ရှမ်းဒေသတို့မှ ဗိသုကာလက်ရာများကို စုစည်းပြီး ခေတ်လယ်ကာလ ဗိသုကာလက်ရာများ စာအုပ်ကို ထုတ်ဝေလိုက်ပါတယ်။

ခေတ်လယ်ကာလရဲ့ ထူးလည်း ထူးခြား၊ ထင်လည်း ထင်ရှားတဲ့ ဗိသုကာလက်ရာတွေသာကမ မထင်ရှားပေမဲ့ ထူးခြားတဲ့ ဗိသုကာလက်ရာတွေအပေါ် ဗိသုကာပညာရှုထောင့်မှ သုံးသပ်ချက်များနဲ့အတူ ဓာတ်ပုံများ၊ ရှင်းလင်းချက်ပုံများ၊ ဆွဲပုံများ စုံစုံလင်လင်နဲ့ လေ့လာနိုင်အောင် စီစဉ်ထားပါတယ်။ ဒါ့အပြင် ငလျင်ဒဏ်ခံပြီး နောက်ပိုင်း မှတ်တမ်းတချို့၊ တောင်ရိုးပေါ်မှ စေတီများရဲ့ သဘောသဘာဝ၊ ခေတ်လယ်ကာလမှာ တည်ဆောက်ခဲ့ဖူးတဲ့ ဧရာဝတီ (ယာယီ) မြစ်ကူးတံတားမှတ်တမ်းတို့လည်း ပါဝင်ပါသေးတယ်။

📖 စာအုပ်အချက်အလက်
- ဈေးနှုန်း၊ ၄၅,၀၀၀ ကျပ်
- အရွယ်အစား၊ ၇.၅” x ၁၀.၅”
- စာမျက်နှာ၊ ၃၃၃ (ဖြူမဲ)

ဝယ်ယူဖတ်ရှုလိုတဲ့ စာဖတ်သူများက
👉 ကြန် - Kyan Messenger
https://m.me/111389621895581

👉 ခေတ်ပြိုင်မိုးကုပ်စက်ဝိုင်း စာအုပ်တိုက် Messenger
https://m.me/725360620653221

👉 Telegram

👉 ဖြန့်ချိရေး
ကိုလတ်စာပေတို့မှ ဆက်သွယ် မှာယူနိုင်ပါတယ်။

#ခေတ်လယ်ကာလဗိသုကာလက်ရာများ
#အာခီတက်ဆန်းဦး

#ကြန်မဂ္ဂဇင်း_၂၀၂၆

22/05/2026

ခေတ်လယ်ကာလ ဗိသုကာလက်ရာများစာအုပ်
ထွက်ပါပြီ

20/05/2026

ခေတ်လယ်ကာလ ထုထည်နဲ့ ဟင်းလင်းခွင်များ
ခေတ်လယ်ကာလ ဗိသုကာလက်ရာများ
-မကြာမီ-

#ခေတ်လယ်ကာလဗိသုကာလက်ရာများ
#အာခီတက်ဆန်းဦး

#ကြန်မဂ္ဂဇင်း_၂၀၂၆

18/05/2026

ခေတ်လယ်ကာလ ဗိသုကာလက်ရာထဲမှာ ပါဝင်တဲ့ သစ္စာတိုက်ဂူဘုရားကို ညောင်ရမ်းခေတ်ရဲ့ အင်း၀မြို့တော်၊ အနောက်တောင်ဘက်အခြမ်းမှာ တည်ထားခဲ့တာဖြစ်တယ်။ သစ္စာတိုက်လို့ လူသိများပေမဲ့လည်း ကျောက်စာမှာ ရေးထိုးထားတဲ့ ဘွဲ့အမည်ကတော့ မဟာရတနာဘုံမ်သာ ဖြစ်ပါတယ်။ သစ္စာတိုက်ဂူဘုရားလို့ အမည်တွင်လာရတာက အင်း၀မင်းအဆက်ဆက် နန်းတက်ရင် ဖြစ်ဖြစ်၊ စစ်နိုင်ပြီး သုံ့ပန်းတွေရရင် ဖြစ်ဖြစ် မိမိ အလိုရှိသူတို့ကို သစ္စာတိုက်ဘုရားမှာ ဦးတိုက် သစ္စာခံစေပြီး သစ္စာဆိုသူရဲ့ စိတ်ရင်းကို အရှိအတိုင်း ဖော်ပြခိုင်းတာကြောင့်လို့ ဆိုကြတယ်။ ဒါကြောင့် အင်း၀ခေတ် စစ်ရေး၊ အုပ်ချုပ်ရေးအတွက် ဘက်ရွေးချယ်ရာမှာ သစ္စာတိုက်ဘုရားက အရေးပါခဲ့တယ်လို့ ယူဆရမှာပါ။

သစ္စာရဲ့ အနက်က မှန်ကန်၊ ရိုးဖြောင့်၊ စစ်မှန်ခြင်းနဲ့အတူ ဖုံးကွယ်သိုဝှက်ထားခြင်း မရှိလို့ ဆိုနိုင်တာမို့ ပန္နက်ကို ထွင်းဖောက်မြင်နိုင်တဲ့သဘော ဖွဲ့စည်းထားပြီး အလယ်မှာ ပလ္လင်နဲ့ ဘုရားတစ်ဆူသာ ပူဇော်ထားတာကို မြင်တွေ့ရမှာပါ။ ကွယ်ဝှက်ခြင်းသဘော လုံးဝမရှိဘဲ လေနဲ့ အလင်း ကောင်းကောင်း ရရှိစေတဲ့ ဒီလိုဖွဲ့စည်းပုံမျိုး ပုဂံမှ အပ္ပာယ်ရတနာဂူဘုရား အနီးရှိ နတ်ကြီးဘုရားမှာ တွေ့နိုင်ပါတယ်။

*မကြာမီထုတ်ဝေတော့မယ့် အာခီတက်ဆန်းဦး ရေးသားတဲ့ “ခေတ်လယ်ကာလ ဗိသုကာလက်ရာများ” စာအုပ်မှာ သစ္စာတိုက်ဂူဘုရားအကြောင်းနဲ့အတူ အခြားခေတ်လယ်ကာလရဲ့ ထူးခြားတဲ့ ဗိသုကာလက်ရာတွေအကြောင်း အပြည့်အစုံ ဖတ်ရှုနိုင်မှာ ဖြစ်ပါတယ်။*

#ခေတ်လယ်ကာလဗိသုကာလက်ရာများ
#အာခီတက်ဆန်းဦး
#ဓာတ်ပုံအက်ဆေး

#ကြန်မဂ္ဂဇင်း_၂၀၂၆

17/05/2026

၁။ နူးညံ့သိမ်မွေ့တဲ့ ဇာတ်ကြောင်းပြ ဖွင့်ဆိုရှင်းလင်းမှုတွေအစား ဇာတ်ကောင်တွေဟာ သူတို့ အတွေး၊ ခံစားချက်တွေကို တည့်တိုး ထုတ်ပြောစေခြင်း

၂။ တိုက်ဆိုင်မှုကို အလွန်အကျွံ လုပ်ခြင်း

၃။ ရှေ့ဆက်ရမယ့် ဇာတ်ရှိန်ကို တန့်သွားစေပြီး ပရိသတ်ကို ဇာတ်လမ်းရဲ့ ဘေးရောက်သွားစေတဲ့ နောက်ကြောင်းပြန် (Flashbacks) ခန်းများ သုံးခြင်း

၄။ ပိတ်ကားပေါ်မှာ မြင်ရတာတွေအတိုင်း အတိအကျ ပြန်ရှင်းပြနေတဲ့ နောက်ခံစကားပြောများ

၅။ ပြီးပြည့်စုံအောင် ကောင်းတဲ့ ဇာတ်လိုက် ဒါမှမဟုတ် အဆုံးထိ မိုက်မဲတဲ့ ဗီလိန်

၆။ ဘယ်လို လုပ်ဆောင်ချက်ကိုမှ ကိုယ်တိုင်ဆုံးဖြတ် မရွေးချယ်တတ်တဲ့ ပျော့ညံ့ညံ့ ဇာတ်လိုက်

၇။ အနီးမြင်ကွင်းနဲ့ နောက်ခံမြင်ကွင်းကို အရသာမဲ့စေတဲ့ အတိမ်အနက်မရှိ ခပ်ပြားပြား မြင်ကွင်းဘောင်

၈။ ရိုက်ချက် အကွာအဝေး တူညီတဲ့ ပြကွက်၊ ဇာတ်ဝင်ခန်းများစွာ

၉။ ဇာတ်ဝင်ခန်းထဲ ဈာန်မဝင်ဘဲ စကားတွေ ဒီတိုင်း ရွတ်ပြနေတဲ့ အသက်မပါတဲ့ သရုပ်ဆောင်များ

၁၀။ မညီညာတဲ့ အလင်းပေးမှု

၁၁။ အသံအရည်အသွေး ညံ့မှု

၁၂။ အဆက်အစပ်ရှိမှုကို ဂရုမစိုက်တာကြောင့် ဖြစ်လာတဲ့ အကူးအပြောင်း အမှားအယွင်းများ

၁၃။ ရှေ့က ပြထားတဲ့ ဖြစ်ရပ်တွေကနေ သဘာ၀ကျစွာ၊ မလွဲမသွေ ဖြစ်လာတာ မဟုတ်တဲ့ ဇာတ်သိမ်း

အောင်ဝိုင်း
ခေတ်ပြိုင်မိုးကုပ်စက်ဝိုင်းမှ ထုတ်ဝေထားတဲ့ “ရုပ်ရှင်ပညာ ၁၀၁” စာအုပ်မှ နံပါတ် - ၅၂ ကို ကောက်နုတ် ဖော်ပြပါတယ်။

#ဝမ်းအိုဝမ်း #ရုပ်ရှင်ပညာ
#ရုပ်ရှင်ပညာ၁၀၁

#ကြန်မဂ္ဂဇင်း_၂၀၂၆

16/05/2026

🔴 မြန်မာဗိသုကာ လက်ရာသမိုင်း
“ခေတ်လယ်ကာလ” ဆိုသည်မှာ…….

🔵 မြန်မာနိုင်ငံမှာ တည်ဆောက်ခဲ့တဲ့ ဗိသုကာလက်ရာတွေရဲ့ သမိုင်းကြောင်းကို ခေတ်ကာလ ၆ ခု ပိုင်းခြားပြီး ပြောပြလို့ရပါမယ်။
အထင်ကရ ခေတ်ကာလ နှစ်ခုဖြစ်တဲ့ “ ပုဂံခေတ်” နဲ့ “ ကုန်းဘောင်ခေတ်” ကြားကခေတ်ကို “ အလယ်ခေတ်” လို့ သတ်မှတ်လိုက်တယ်။
အင်္ဂလိပ်လို “Middle Period “ လို့ခေါ်ပြီး မြန်မာဘာသာ တည့်တည့်ပြန်ရင် “အလယ်ခေတ်” လို့ပြောကြတယ်။

ဒါပေမဲ့ “အလယ်ခေတ်” ဆိုတဲ့ ဝေါဟာရကို ကမ္ဘာ့သမိုင်းမှာ “Middle ages” ဆိုပြီး အများက နားလည် လက်ခံထားကြပါသေးတယ်။ အဲဒါကြောင့် မြန်မာဗိသုကာ သုတေသီတွေဖြစ်တဲ့ ဒေါက်တာလွင်အောင်၊ ဒေါက်တာကျော်လတ်၊ ဦးထွန်းသန်း တို့က “Middle Period Architecture in Burma” ကို “ ဗိသုကာ- အလယ်ခေတ်” လို့ တိုက်ရိုက် ဘာသာပြန်သုံးရင် ကမ္ဘာက နားလည် လက်ခံထားတဲ့ “Middle Period - Dark ages” နဲ့ နားလည်မှု လွဲနိုင်တယ်လို့ ပြောခဲ့ကြဘူးတယ်။ ( Phd.Thesis seminar 1998, YTU)

🔵 အဲဒီ “အလယ်ခေတ်” ဟာ နှစ်ပေါင်း ၄၅၀ လောက်ကြာမြင့်တဲ့ကာလ ဖြစ်တယ်။ ပုဂံခေတ်၊ ကုန်းဘောင်ခေတ်၊ ကိုလိုနီခေတ် စတဲ့ခေတ်တွေလို နာမည် တစ်ခုစီပေးပြီး ခေါ်ဝေါ်ထားတာ မဟုတ်တဲ့ ၊ အမည်မရှိတဲ့ ခေတ်ကာလလည်းဖြစ်ပါတယ်။
အေဒီ ၁၃၆၉ ကနေ ၁၇၂၅ အထိ နှစ်တွေရှည်ကြာခဲ့သလို ဘုရင်များစွာ နန်းဆက်အမျိုးမျိုးနဲ့ ပင်းယ၊ အင်းဝ၊ စစ်ကိုင်း၊ ဟံသာဝတီ၊ ကေတုမတီ စတဲ့ မြို့တော်များစွာကို နေရာအနှံ့မှာ နန်းစိုက် အုပ်ချုပ်ခဲ့တဲ့ ခေတ်ကာလလည်း ဖြစ်တယ်။

🔴 ၂၀၂၄ ခုနှစ်မှာ မိုးမိုး (ဗိသုကာ) က “ အလယ်ခေတ်” လို့ ခေါ်မယ့်အစား “ခေတ်လယ်ကာလ” သုံးသင့်တယ်လို့ အကြံပေးခဲ့တယ်။ အဲဒီအကြံပေးချက် အတိုင်းဘဲ ကျေးဇူးတင်စွာနဲ့ ဒုတိယ စာအုပ်ကို “ခေတ်လယ်ကာလဗိသုကာ လက်ရာများ” လို့ အမည်ပေးခဲ့ပါတယ်။

15/05/2026

It's very easy to be different, but very difficult to be better.
-Jonathan Ive-

#ဝမ်းအိုဝမ်း
#ထုတ်ကုန်ဒီဇိုင်း၁၀၁
#ထုတ်ကုန်ဒီဇိုင်း

#ကြန်မဂ္ဂဇင်း_၂၀၂၆

14/05/2026

-တိုတိုဖြေ-
မဟုတ်ပါဘူး၊ အများကြီး ရှိနေတာပါ။

- ရှည်ရှည်ဖြေ-
နေရာ၊ ဒေသတွေရဲ့ ကြန်အင်လက္ခဏာကို သဘာဝတရားက ဖြစ်ဖြစ်၊ ပျိုးထောင်ဖန်တီးပေးမှုကပဲ ဖြစ်ဖြစ် ပုံဖော်ပေးတာပါ။ နေရာတိုင်းဟာ သူတို့ တည်ရှိရာ ဘေးပတ်ဝန်းကျင် (မြေမျက်နှာသွင်ပြင်၊ အနိမ့်အမြင့်၊ နေရာဒေသ) ရဲ့ အနှစ်သာရတွေကို တိတ်တဆိတ် မမြင်သာအောင် သယ်ဆောင်ထားကြသလို ရာသီအပြောင်းအလဲနဲ့ လူအများ ရှင်သန်ဖြတ်သန်းမှုတွေကလည်း အဲဒီနေရာမှာ အစဉ်အလာ၊ ယဉ်ကျေးမှုအငွေ့အသက်တွေ ကိန်းအောင်း ပေါက်ဖွားလာစေတယ်။ ထူးခြား ပြင်းထန်တဲ့ သဘာဝကြားက ပေါ်ပေါက်လာပြီး ခက်ခဲကြမ်းတမ်းစွာ ဖြတ်သန်းမှုတွေ ကြုံတွေ့ခဲ့ရတဲ့ နေရာ၊ ဒေသတွေမှာဆိုရင် ခိုင်မာအားကောင်းတဲ့ ကြန်အင်လက္ခဏာတွေ ရှိနေတတ်တယ်။

အဲဒီလို မြေနေရာမျိုးတွေမှာ အဆောက်အအုံ ဆောက်လုပ်ဖို့ဆိုတာ သိပ်ကို သိမ်မွေ့နူးညံ့တဲ့ ကိစ္စတစ်ရပ် ဖြစ်လာတော့တယ်။ ဗိသုကာပညာရပ်အနေနဲ့ တစ်ခုခုကြီး လုပ်ပြလိုက်မယ်ဆိုပြီး မလုပ်ပြသင့်တဲ့ နေရာမျိုးတွေမှာ ဆိုရင်တောင် သိမ်မွေ့ပါးနပ်တဲ့ အသွင်အပြင်လေးတွေနဲ့ပဲ မြေနေရာရဲ့ စွမ်းအင်ကို စုစည်းဖော်ဆောင်ပေးနိုင်စွမ်း ရှိရပါမယ်။ တကယ်လို့များ မြေနေရာရဲ့ ကြန်အင်လက္ခဏာက ဖမ်းဆုပ်ဖို့ ခက်ခဲနေမယ်ဆိုရင် အဲဒီနေရာရဲ့ သဘောကို နားလည်ဖို့၊ ဖော်ထုတ်ဖို့အတွက် ဗိသုကာရဲ့ တာဝန်က ပိုကြီးမားလာတယ်။ မြေနေရာတစ်ခုမှာ ပထမဆုံး ပေါ်ပေါက်လာမယ့် အဆောက်အအုံတစ်လုံးဟာဆိုရင် အမြဲလိုလို သိသာခြားနားမှု (Contrast) ကိုပဲ ဖြစ်စေနိုင်တယ်။ အဲဒီအဆောက်အအုံက မြေနေရာတစ်ခုကို ထူးခြားနေစေတဲ့ ပတ်သက်ဆက်နွှယ်မှုတွေ အားလုံးကို ဖျက်ဆီးပစ်နိုင်သလို၊ မှန်ကန်တဲ့ ချဉ်းကပ်မှုမျိုးနဲ့ဆိုရင်လည်း အဲဒီမြေမျက်နှာသွင်ပြင်ရဲ့ သမိုင်းကြောင်း၊ ရာသီဥတုနဲ့ နေထိုင်ရှင်သန်ခဲ့သူတို့ ချန်ရစ်ခဲ့တဲ့ ခြေရာလက်ရာ၊ အငွေ့အသက်တွေကို ပိုပေါ်လွင်အောင် ဖန်တီးပေးနိုင်မှာပါ။ အဲဒီအခါမှာ နေရာတစ်ခုရဲ့ အသက်ဝိညာဉ် ကြန်အင်လက္ခဏာဟာ ပြောင်းလဲသွားပြီး အဆောက်အအုံကိုယ်နှိုက်ကပါ အဲဒီနေရာရဲ့ သမိုင်းကြောင်းထဲက အစိတ်အပိုင်းတစ်ခု ဖြစ်လာပါတော့တယ်။

သုကာ
What is Architecture and 100 Other Questions မှ နံပါတ် - ၅၈ ကို ဘာသာပြန် ဖော်ပြပါတယ်။

#ဗိသုကာပညာ

#ကြန်မဂ္ဂဇင်း_၂၀၂၆

13/05/2026

ငယ်ငယ်ထဲက ရထားစီးတဲ့အခါတိုင်း ဒီသစ်သားလိုင်းခန်းတွေကို မြင်နေကျ။ ထူးခြားတဲ့ အငွေ့အသက်လေး တစ်မျိုး ခံစားမိနေကျ။ အခုအချိန်မှာတော့ ဒီလိုခံစားမိတာဟာ အဲဒီအဆောက်အအုံမှာ ပုန်းခိုကိန်းအောင်းနေမယ့် နေထိုင်သွားသူတွေရဲ့ ခံစားချက်တွေ၊ ရှင်သန်လှုပ်ရှားမှုတွေ စတဲ့ ဘဝအလွမ်းတွေကြောင့်လို့ ထင်လာခဲ့ပြီ။ အုတ်ညှပ်မဟုတ်ဘဲ သစ်သားသက်သက် ၂ ထပ် ဆောက်ထားပြီး ဒီလိုအခန်းဖွဲ့စည်းပုံရှိတဲ့ အဆောက်အအုံ (Utilitarian Vernacular) တွေဟာ မြို့ပြဆန်လာတဲ့ ဒီနေ့ဒီအချိန်မှာ သိပ်မရှိတော့ဘူး။ မှတ်တမ်းဓာတ်ပုံသွားရိုက်တော့ ဘူတာစင်္ကြံနဲ့ လိုင်းခန်းကြားထဲက တလင်းထဲ ရပ်လိုက်တဲ့အခါ Time Machine တစ်ခုလိုပဲ အတိတ်က ရှင်သန်မှုတွေဆီ ခေါ်ဆောင်သွားတော့တယ်။

အတိတ်ခရီးနှင်ဆဲမှာပဲ Simone de Beauvoir (1908-86) ရဲ့ အတွေးအမြင်လေးတစ်ခု သတိရသွားတယ်။

“လူတွေဟာ လက်ရှိအခြေအနေ၊ ပစ္စုပ္ပန်မှာလည်း အဆင်မပြေ၊ အနာဂတ်ကလည်း ဝေဝါး ပျောက်ဆုံးနေတဲ့အခါ အတိတ်ကို ပြန်လွမ်းတတ်၊ အတိတ်ထဲမှာပဲ အချိန်ကုန်နေတတ်ကြတယ်။ ဒီအခါမှာ အတိတ်က ဖိနှိပ်ခံထားရတဲ့ နာကျင်စရာ လေးပင်မှုကြီးကို ငြိမ်သက်တည်ငြိမ်မှုလို့ မြင်လာပြီး ဖက်တွယ်ထားမိတော့တယ်။”

#ဘောက်ထော်ဘူတာမီးရထားလိုင်းခန်း
#ဓာတ်ပုံအက်ဆေး
#ဗိသုကာပညာ

#ကြန်မဂ္ဂဇင်း_၂၀၂၆

12/05/2026

မသီးကျစေတီ၏ ပန္နက်ဖွဲ့စည်းပုံအရ အရှေ့၊ အနောက်၊ တောင်၊ မြောက် အရပ် လေးမျက်နှာရှိ အုတ်လှေကား ၄ စင်းမှတစ်ဆင့် မြေပြင်မှ မြှင့်ထား သော အလျားတစ်ဖက် ၅၂ ပေစီ ရှိသည့် လေးထောင့် (စတုရန်း) ပုံသွင်ရှိ ပစ္စယာခုံပေါ်သို့ ဘုရားဖူးများ တက်ရောက်နိုင်ပေသည်။ ဤပစ္စယာခုံ ဟင်းလင်းပြင်သည် သာမန် မြေမျက်နှာပြင်ထက် ၅ ပေခန့် မြင့်ပြီး စေတီ ကိုယ်ထည်ကို ထိုဟင်းလင်းပြင် အလယ်တည့်တည့်တွင် တည်ဆောက် နေရာချထားပေသည်။ အဝန်းအလျား ၉၁ ပေရှိ စေတီကိုယ်ထည် အခြေ ပတ်ပတ်လည်နှင့် ပစ္စယာခုံ အနားသတ်အကြား ကျန်ရစ်သော နေရာကို တိကျစွာ ဖွဲ့စည်းထားရှိရာတွင် ထိုကဲ့သို့ လှေကားဖြင့် တက်ရောက် ဖူးမြော်နိုင်သည့် စေတီပတ်ချာလည် ဟင်းလင်းပြင် သည် ဗိသုကာ ဖွဲ့စည်းမှုအရ အလွန် အရေးကြီးလှ၏။ ယင်းဟင်းလင်းပြင် အစိတ်အပိုင်းကို ရင်ပြင် (တော်) (Yinbyin / Platform) ဟု ခေါ်ဆိုကြပါသည်။

ရင်ပြင်တော်ဟု ခေါ်ဆိုသော ထိုဟင်းလင်းပြင် (Open Space) သည် မြန်မာ့သာသနိက ဗိသုကာလက်ရာ၏ ဖွဲ့စည်းမှုတွင် အထူး အရေးပါသော အစိတ်အပိုင်းဖြစ်ပြီး၊ မြန်မာ့ယဉ်ကျေးမှုအတွက် ယခုကာလတိုင် စေတီတည်ဆောက်ရာတွင် တစ်ပါတည်း ပါရှိလာခဲ့သော ဗိသုကာအစိတ်အပိုင်း ဖြစ်ပေသည်။

ဤဟင်းလင်းပြင်နေရာ၌ မြန်မာလူမျိုးများ စေတီသို့ ဖူးမြော်ရန် လာရောက်ရာတွင် ဘာသာရေးဆိုင်ရာ ဓလေ့ထုံးစံများ (ဘုရားရှိခိုးခြင်း၊ ပန်းရေချမ်း ကပ်လှူခြင်း၊ ဆီမီး ပူဇော်ခြင်း) ပြုလုပ်ရာနေရာ ဖြစ်သကဲ့သို့ မြန်မာ့ရိုးရာ ယဉ်ကျေးမှုများ (စီတန်း လှည့်လည်ခြင်း၊ စုဝေးခြင်း၊ တွေ့ ဆုံခြင်းများ) ပြုလုပ်နိုင်သော နေရာလည်း ဖြစ်ပေသည်။

ထိုကြောင့် ရင်ပြင်တော်ဟု ခေါ်ဆိုသော ဗိသုကာ အစိတ်အပိုင်း သည် ပျူခေတ်ကာလမှ ယနေ့ခေတ်တိုင် မြန်မာ့ယဉ်ကျေးမှု၏ အရေးကြီးသော ဗိသုကာ အစိတ်အပိုင်းအဖြစ် တည်ရှိနေပေသည်။

နှောင်းခေတ် စေတီများ အားလုံးနီးပါးသည် ဤအခြေခံ ဖွဲ့စည်းချက်ကို လိုက်နာ တည်ဆောက်ခဲ့ကြသဖြင့် မသီးကျစေတီ ပန္နက်ဖွဲ့စည်းပုံသည် မြန်မာ့ ဗိသုကာလက်ရာသမိုင်းအတွက် အရေးကြီးသော အထောက်အထား မှတ်တိုင်တစ်ခုအဖြစ် မှတ်ယူထားရှိပါသည်။

***အာခီတက်ဆန်းဦး ရေးသားတဲ့ “ပျူယဉ်ကျေးမှု ဗိသုကာလက်ရာများ” စာအုပ်ပါ “မသီးကျစေတီ” အခန်းမှ ကောက်နုတ်ဖော်ပြတာ ဖြစ်ပါတယ်။***

ဝယ်ယူဖတ်ရှုလိုသူများက အောက်ဖော်ပြပါ နေရာများမှ ဆက်သွယ် မှာယူနိုင်ပါတယ်။

📖 စာအုပ်အချက်အလက် (ဒုတိယအကြိမ်)
- ဈေးနှုန်း၊ ၂၂,၀၀၀ ကျပ်
- အရွယ်အစား - ၇.၅” x ၁၀.၅”
- စာမျက်နှာ - ၁၈၅ (ဖြူမဲ)

👉 ကြန် - Kyan Messenger
https://m.me/111389621895581

👉 ခေတ်ပြိုင်မိုးကုပ်စက်ဝိုင်းစာအုပ်တိုက်
Contempo-Horizon Messenger
https://m.me/725360620653221

👉 Telegram

👉 ဖြန့်ချိရေး
ကိုလတ်စာပေ

#ပျူယဉ်ကျေးမှုဗိသုကာလက်ရာများ
#အာခီတက်ဆန်းဦး

#ကြန်မဂ္ဂဇင်း_၂၀၂၆

11/05/2026

သစ်သားအဆောက်အအုံတွေနဲ့ အရပ် (Wood-frame neighborhood) ။ ။ ခြံဝန်းလေးထဲမှာ ၂ ထပ်ကနေ ၃ ထပ်ဝန်းကျင် အဆောက်အအုံလေးတွေနဲ့ ရပ်ကွက်မျိုးပေါ့။ တစ်လုံးမှာ အိမ်ခန်း (Unit) ၁ ခန်းကနေ ၃ ခန်းအထိ ပါဝင်တတ်တယ်။ ဝင်ငွေအလွှာပေါင်းစုံက မိသားစုအလိုက်ကနေ တစ်ကိုယ်တည်းသမားတွေအထိ ရောနှော နေထိုင်နိုင်ကြမယ်။ စီးပွားရေး အကွက်အကွင်းတွေကိုတော့ လမ်းဆုံလမ်းခွတွေ ဒါမှမဟုတ် ဈေးလိုမျိုး သီးသန့်သတ်မှတ်ထားတဲ့ ဧရိယာမှာပဲ တွေ့ရမယ်။

လမ်းမကြီးအခြေပြု အရပ် (Main Street neighborhood) ။ ။ မြို့ငယ်ကလေးတွေမှာ ဟိုးရှေးထဲက ရှိတဲ့ သမားရိုးကျ စီးပွားရှာအရပ် ပုံစံမျိုးဖြစ်တယ်။ ၂ ထပ်ကနေ ၅ ထပ်အထိ အဆောက်အအုံတွေဖြစ်ပြီးအသုံးပုံစံ အမျိုးမျိုး ကွဲပြားတယ်။ အပေါ်ထပ်တွေကိုတော့ ရုံးခန်း ဒါမှမဟုတ် လူနေတိုက်ခန်းတွေအဖြစ် အသုံးချလေ့ရှိတယ်။

တိုက်ခန်းအိမ်ရာ အရပ် (Apartment-block neighborhood) ။ ။၃ ထပ်ကနေ ၈ ထပ်ဝန်းကျင်ရှိပြီး အုတ် ဒါမှမဟုတ် စတီးလ်နဲ့ ဆောက်ထားတဲ့ အလယ်အလတ်အမြင့် အဆောက်အအုံတွေရှိရာ အရပ်မျိုး ဖြစ်တယ်။ အဆောက်အအုံတိုင်းလိုလိုရဲ့ မြေညီထပ်မှာ ဆိုင်ခန်း၊ စီးပွားရေးလုပ်ငန်းတွေ ရှိတတ်တယ်။ ဝင်ငွေအလွှာစုံ၊ လူတန်းစားမျိုးစုံဟာ မိသားစုအလိုက်ကနေ တစ်ကိုယ်တည်းသမားအထိ နေထိုင်ကြတယ်။

မြို့စွန်အရပ် (Urban edge neighborhood) ။ ။ အဆောက်အအုံတွေဟာ အသုံးချပုံ၊ အရွယ်အစားနဲ့ ဟန်ပန်ပုံစံတွေ ကွဲပြားနေတတ်တဲ့ (မြို့ပြနဲ့ ကျေးလက်) စပ်ကူးမတ်ကူး အစွန်အဖျားအရပ် ဖြစ်တယ်။ ဆင်းရဲနွမ်းပါးသူတွေကနေ ခေတ်ပညာတတ်၊ ပညာရှင်တွေအထိ အလွှာပေါင်းစုံ ရောနှောနေထိုင်တတ်တယ်။

အိမ်တန်းအရပ် (Town house neighborhood) ။ ။ အုတ် ဒါမှမဟုတ် ကျောက် အသုံးပြုဆောက်ထားတဲ့ ၃-၄ ထပ်ရှိ အဆောက်အအုံတွေကို လိုင်းခန်းတွေလိုမျိုး စီတန်းဆောက်ထားလေ့ ရှိတယ်။ လူတန်းစားအမျိုးမျိုး မိသားစုအလိုက်ဖြစ်ဖြစ် တစ်ကိုယ်ရည် တစ်ကာရသမားဖြစ်ဖြစ် ပေါင်းစုံနေထိုင်တတ်ကြတယ်။ စီးပွားရေး အကွက်အကွင်းတွေကတော့ သစ်သားအဆောက်အအုံ ရပ်ကွက်တွေမှာလိုမျိုးပဲ လမ်းဆုံလမ်းခွတွေ ဒါမှမဟုတ် ဈေးလိုမျိုး သီးသန့်သတ်မှတ်ထားတဲ့ ဧရိယာမှာပဲ တွေ့ရမယ်။

မြို့လယ်အရပ် (Downtown neighborhood) ။ ။ မြို့ရဲ့ အချက်အခြာကျတဲ့ နေရာဖြစ်ပြီး ပုံမှန်အားဖြင့် အထပ်မြင့်အဆောက်အအုံတွေ အများကြီး ရှိတတ်တယ်။ အဆောက်အအုံနဲ့ စီးပွားရေးလုပ်ငန်း ပိုင်ဆိုင်မှုတွေဟာ ကုမ္ပဏီကြီးတွေ၊ လုပ်ငန်းစုတွေနဲ့ပဲ နှီးနွယ်လေ့ရှိတယ်။ မြေညီထပ်က ဆိုင်ခန်းတွေကလည်း ရုံးဖွင့်ရက်မှာဆိုရင် အလုပ်သမားတွေ၊ ရုံးပိတ်ရက်တွေမှာဆိုရင် လာရောက် လည်ပတ်သူတွေကို အဓိကထားတယ်။

မိုးလှိုင်
101 Things I Learned in Urban Design School စာအုပ်မှ နံပါတ်-၅၃ ကို ဘာသာပြန်‌ ဖော်ပြပါတယ်။

#ဝမ်းအိုဝမ်း
#မြို့ပြဗိသုကာပညာ
#မြို့ပြဗိသုကာပညာ၁၀၁

#ကြန်မဂ္ဂဇင်း_၂၀၂၆

ကြန် - Kyan

22/05/2026

22/05/2026

20/05/2026

18/05/2026

17/05/2026

16/05/2026

15/05/2026

14/05/2026

13/05/2026

12/05/2026

11/05/2026

Address

Website

Alerts

Contact The Business

Shortcuts

Share

Category