19/06/2025
❤️ဒီစာလေးက မင်မင်တို့ရဲ့ ပဲ့ကိုင်ရှင်ဒေါ်မြင့်မြင့်ချော
သူ့အကောင့်မှာ ရေးထားတာလေး မင်မင်တွေ့လို့ pageမှာ လာတင်တာပါ❤️pageက စိတ်ဝင်စားတဲ့သူတွေ ဖတ်ဖို့ပါ။နောက်ထပ်လည်း အမရဲ့အတွေ့အကြုံလေးတွေ၊seriesလေးတွေ တင်ဦးမှာမို့ ကြိုက်တယ်ဆိုရင် မင်မင်တို့pageကို like&shareလေးလုပ်ပေးပါဦးရှင့်🙏🏻
ကျွန်မအတွေ့အကြုံလေးတခု ပြောပြချင်ပါတယ်❤️
အခုပြောပြမယ့်အကြောင်းအရာလေးက လူငယ်တွေအတွက်ရည်ရွယ်လို့ အတွေ့အကြုံများတဲ့သူတွေ၊ရင့်ကျက်တဲ့ သူတွေ ကျော်သွားသင့်တဲ့postပါ✅
✅ကျွန်မအကောင့်မှာရှိတဲ့သူတွေကတော့ ကျွန်မအရင်က ဦးစီးခဲ့ရတဲ့ ကျွန်မအဖေရဲ့အလုပ်က သားရေအလုပ်ဆိုတာ ကျွန်မပြောပြထားလို့သိကြပါတယ်❤️
✅ကျွန်မတို့က အစ်ဆိုရင် မွန်ပြည်နယ် ကရင်ပြည်နယ်က အစ်သားရေတွေ ဝယ်ပါတယ်။ အစ်နေ့မှာတော့ မောင်နှမတွေအားလုံးက ဝိုင်းပြီးသားရေချိန်တဲ့နေရာမှာ စာရင်းလုပ်ပေးကြ၊ချိန်ပေး ကြပါတယ်။သားရေ အချိန်သောင်းကျော်ရတဲ့ နေရာတွေကိုတော့ကျွန်မကိုယ်တိုင် အစ်ပြီး နောက်ရက်တွေမှာ သွားဝယ်ပါတယ်။
✅အဲ့လိုနဲ့ တစ်နှစ်မှာ ကျွန်မ ဘားအံ၊ကော့ကရိတ်
ဘက်က အစ်သားရေတွေဝယ်ပြီး ဆားနယ်ပြီးစုထားပေးတဲ့ ဘားအံက ကုန်သည်ဆီမှာ သားရေ သွားချိန်ပါတယ်။သားရေကလည်း အများကြီးရတော့ သားရေချိန်ပြီးတဲ့အချိန်က မှန်းထားတာထက်ပိုနောက်ကျသွားပါတယ်။
✅ကားတင်ပြီးတဲ့အချိန်မှာ ညဆယ့်နှစ်ကျော်ပါပြီး။ကျွန်မကို ကုန်သည်က ဘားအံမှာအိပ်ဖို့ပြောပေမယ့် ကျွန်မက မော်လမြိုင်ကိုပဲပြန်ချင်နေပါတယ်။ဒါပေမယ့် ပြန်ဖို့ကလည်း ဇာသပြင်တံတားနဲ့ ဂျိုင်းတံတားက ပိတ်သွားပါပြီး။အဲ့မှာ ကျွန်မနဲ့တူတူ ကျွန်မငယ်ငယ်လေးကတည်းက သားရေအလုပ်တွေ အဖေ့ကိုဝိုင်းလုပ်ပေးတဲ့ ကျွန်မဦးလေးပါပါတယ်❤️
အမေ့အကိုပါ။သူနဲ့ကျွန်မတော်တော်လေးနီးနီးကပ်ကပ်နေခဲ့ပြီးတော့ ကျွန်မဦးလေးကိုလည်းကျွန်မချစ်သလို သူကလည်းကျွန်မကိုချစ်ပါတယ်။အဲ့ဒီဦးလေးက ကျွန်မရန်ကုန်ပြောင်းပြီး အိမ်ဆောက်ပစ္စည်းလုပ်တဲ့အချိန်မှာလည်း ကျွန်မနဲ့တူတူလိုက်လာပြီး ကျွန်မရဲ့ပစ္စည်းဂိုဒေါင်တွေကို ကြီးကြပ်ပေးခဲ့ပါတယ်။ဒါကတော့ ဦးလေးအကြောင်းနည်းနည်းလေးပြောပြတာပါ❤️
✅ကျွန်မပြောနေတဲ့အကြောင်းပြန်ဆက်ရရင်အဲ့ဒီညက ကျွန်မ မော်လမြိုင်ကိုပြန်ချင်တယ်လို့ပြောတော့ ဦးလေးက သထုံဘက်ကနေ လှည့်ပြန်ဖို့အကြံပေးပါမယ်။အဲ့ဒါနဲ့ ကျွန်မလည်း ပြန်မယ်လို့ဆုံးဖြတ်ချက်ချပြီး 12ဘီးကားကြီးနဲ့ သားရေကားကအနောက်က ကျွန်မက Town Aceနဲ့အရှေ့က တူတူပြန်လာခဲ့ကြပါတယ်။ကားဒရိုင်ဘာရယ်၊ကျွန်မရယ်၊ကျွန်မဦးလေးရယ်က Town Aceခေါင်းခန်းမှာပါ။အနောက်မှာ သားရေချိန်တဲ့ အလုပ်သမား (12ယောက်)လောက်ပါပါတယ်။
✅ထွက်လာပြီး နည်းနည်းလေးကြာလာတာတော့ Town Aceကားနဲ့ 12ဘီးကား ဝေးလာပါတယ်။ညကလည်း တော်တော်နက်လာပါတယ်။ဘေးမှာ ရာဘာတောတွေပဲရှိပြီး မှောင်မည်းနေပါတယ်။အဲ့ဒီအချိန် ကျွန်မရုတ်တရက်တွေ့လိုက်တာက လမ်းဘေးမှာ သားအမိလိုပုံစံ အမျိုးသမီးတစ်ယောက်နဲ့ကောင်လေးတစ်ယောက် ကားတားနေတာပါ။အချိန်က ညတစ်နာရီခွဲပါ။
💥အဲ့မှာ ကျွန်မရဲ့သနားတတ်တဲ့စိတ်က ပြသနာစပါပြီး😁ကားဆရာကို ချက်ချင်းရပ်ခိုင်းမိပါတယ်🥺ကျွန်မဦးလေးက မရပ်နဲ့လို့ပြောတဲ့အချိန် ကျွန်မက ရပ်ပေးလိုက်လို့ပြောတဲ့အချိန်နဲ့ဆုံပြီး ကားဒရိုင်ဘာလေးက တုံ့ကနဲ့ကားကိုရပ်လိုက်ပါတယ်🥺 အဲ့မှာ ကျွန်မက လျှာရှည်ပြီးတော့ အရမ်းကူညီချင်တဲ့ပုံစံနဲ့ဘယ်သွားမလဲ အမလို့မေးပါတယ်😁
❤️အဲ့ဒီအမက ကားကြုံလိုက်ချင်လို့ပါတဲ့။ဘယ်သွားချင်တာလဲဆိုတော့ အဆင်ပြေတဲ့နေရာ၊ကားပြောင်းစီးလို့ရမယ့်နေရာကိုတဲ့။ပုံစံတွေကရိုးရိုးသားသားနဲ့ အခုပြန်ရေးနေတာ သူတို့ကို အခု ပြန်မြင်နေပါတယ်။ကောင်လေးက ခေါင်းငုံ့ထားလို့ မတွေ့ရပါဘူး။
အဲ့ဒီအမကပဲဆက်ပြောပါတယ်။သူတို့ဒုက္ခရောက်နေလို့ပါတဲ့။ကားတွေတားနေတာ တစ်စီးမှ မရပ်တာနဲ့အခုအချိန်ထိဖြစ်သွားတာတဲ့။ကျွန်မဦးလေးက ကျွန်မကို ပြောမနိုင်တဲ့ပုံစံနဲ့ကြည့်နေပါတယ်။ကျွန်မက ဦးလေးကိုကြည့်ပြီး ဘာပြောချင်တာလဲ နားမလည်ပါဘူး။ကျွန်မအခု ပြန်စဉ်းစားမိတာ ကောင်လေးကတော့ စကားတခွန်းမှ ဝင်မပြောခဲ့ပါဘူး။
❤️ကျွန်မကတော့ အဲ့ဒီအမကိုကြည့်ပြီး အချိန်ကလည်း အရမ်းနောက်ကျနေတော့ သနားပြီးကူညီချင်တာနဲ့ ဆရာမကြီးပုံစံနဲ့😁အမ အနောက်က ကျွန်မအလုပ်သမားတွေနဲ့တူတူတက်လိုက်ခဲ့ပါ။ကျွန်မ တနေရာရာ ကားစီးလို့ရတဲ့နေရာအထိ ခေါ်သွားမယ်လို့ပြောပြီး အနောက်ကတက်
လိုက်ခိုင်းခဲ့ပါတယ်။
စာအရမ်းရှည်သွားမှာစိုးလို့နောက်နေ့မှဆက်ရေးမယ်နော်❤️
ဒီအကြောင်းအရာလေးကို စိတ်ဝင်စားတယ်ဆိုရင် ကျွန်မကို ဆက်ရေးစေချင်တဲ့သူတွေ မန့်ခဲ့ပေးပါ။စာတွေ
ဆက်ရေးဖို့ အားရှိချင်လို့🙏🏻။
