Baldans llc

17/06/2021

Ардчилалын өргөө цогцолбор /Улаанбаатар хот 2011 он/

17/06/2021

Өндөр гэгээн цогцолбор "Занабазарын бүтээлийн музей" /Өвөрхангай аймаг Арвайхээр хот 2011он/

17/06/2021

МОНГОЛ УЛСЫН ЗӨВЛӨХ АРХИТЕКТОР Д.БАЛДАНГИЙН НАМТАР
Уран барилгын цогцолбор, хөшөө дурсгал зэрэг нь аливаа улс үндэстний урлагийн билэг тэмдэг, соёлын хэмжүүр, түүхэн цаг үеийн гэрч, хөгжил дэвшлийн баримт болж байдаг. Гэхдээ олон зуун жилийн настай, гоц тансаг барилга, хөшөө дурсгалууд л энэхүү шаардлагыг хангаж чадна. Ийм агуу зүйлийг бүтээдэг хүмүүнийг архитектор гэдэг бөгөөд тэдний алдар цуу нэгэн зуунаар тогтохгүйгээр дуурсагдаж байдаг нь гайхалтай билээ.
Харин Монгол улсын архитектурын салбарт нэгэн зуунаар тогтохгүйгээр дуурсагдах, орчин цагийн уран барилгын өнгийг тодорхойлцож явсан нэгэн шилдэг архитектор бол Өвөрхангай аймгийн Зүүнбаян-Улаан сумын уугуул, барилгын зураг төслийн BALDAN’S ХХК-ийн үүсгэн байгуулагч, Монгол Улсын зөвлөх архитектор Дашдамбын Балдан юм.
Дашдамбын Балдан нь 1963 оны 07 дугаар сарын 20-нд Өвөрхангай аймгийн Зүүнбаян-Улаан сумын Ихрийн Наранбулаг хэмээх газар мэндэлсэн.
• 1982 онд Өвөрхангай аймгийн Арвайхээр хотын 10 жилийн 2-р сургууль,
• 1987 онд Монгол Улсын Политехникийн дээд сургуулийг архитектор мэргэжлээр,
• 2009 онд ШУТИС-ийн Архитектурын ухааны магистр зэргийг тус тус хамгаалсан.
Тэрбээр Монголын архитекторуудын эвлэлийн удирдах зөвлөлийн гишүүн, Монголын урчуудын эвлэлийн гишүүн, Барилгын зураг төсөл зохиогчдын холбооны үүсгэн байгуулагч, гишүүн, 2001 оноос барилгын зураг төслийн “BALDAN’S” ХХК-ийг үүсгэн байгуулж компанийн захирал зураг төслийн ерөнхий автороор ажиллаж энэ хугацаанд иргэний болон орон сууц, олон нийтийн барилгын төлөвлөлтөөр 200 гаруй барилгын зураг төслийн эх загварыг бие даан зохиосноос 120 гаруй бүтээл нь хэрэгжсэн билээ.
Архитектор Д.Балдангийн мэргэжлийн ур чадвар, хийж бүтээсэн зүйлийг төр засаг, салбарын зүгээс өндрөөр үнэлж:
• 10-н бүтээл нь оны шилдэг барилга,
• Уран баримлын 5-н бүтээл нь орон нутгийн Засаг захиргааны хүндэт өргөмжлөл,
• Дархан-Уул аймагт бүтээгдсэн уран барималч Н.Оргилын эх загвар “Морин хуур” цогцолбор нь Их Монгол улс байгуулагдсаны 800-н жилийн ойн “Шилдэг орон нутгийн бүтээн байгуулалт”,
• 2003, 2014, 2019 оны Монголын архитекторын эвлэлийн нэрэмжит шагнал,
• 2009 онд Алтангадас одон
• 2015 онд Олон улсын архитекторуудын холбоо, БНСУ-ын архитекторуудын институтээс зохион байгуулсан үзэсгэлэнд “Тусгаар тогтнолын ордон” барилгын төсөл, уран барималч Н.Оргилын Их жанжин Д.Сүхбаатар уран баримлын бүтээлээр 2015 оны Ази тивийн шилдэг 100 архитектороор шалгарч байсан.
Эгэл жирийн хөдөө нутгийн хүү зурдаг, сийлдэг байсан авъяас чадвараа хөгжүүлсээр архитектор мэргэжлийг сонгосноор мэргэжлийн ур чадвар ямагт өсч ирсэн нь зөвхөн барилга архитектурын бүтээлээр хязгаарлагдахгүйгээр дурслэх урлаг, уран баримлын төрлөөр мэргэжлийн уран бүтээлчидтэй хамтран 19 хөшөө дурсгал, бурхан шүтээний эх загвар бүхий уламжлалт Монголын архитектур, дүрслэх урлагийн шүтэлцээний илэрхийлэл болсон монументаль урлагийн хөгжилд хувь нэмрээ оруулж олон арван уралдаанд оролцож амжилт үзүүлсэн түүний бүтээлүүдээс дурьдвал:
• Монгол Улсын төрийн шагналт, уран барималч Л.Ганхуягтай хамтран туурвисан “Галдан бошгот”-ын дурсгалд зориулсан хөшөө.
• Төр нийгмийн зүтгэлтэн маршал Ю.Цэдэнбалын дурсгалд зориулсан хөшөө.
• Монголын урчуудын эвлэлийн гишүүн уран барималч Н.Оргилтой хамтран туурвисан “Морин хуур” цогцолбор.
• Анхдугаар Богд Өндөр гэгээн Занабазарын хүрэл баримал хөшөө.
Архитектор Д.Балдангийн туурвисан бүтээлүүд үзэл санааны хувьд өвөрмөц сонин содон агуулгатай, зохиомжийн баялаг хэллэгтэй, ур хийц материалын өвөрмөц давтагдашгүй өнгө аястай уялдаж байдаг нь үргэлж шинийг эрэлхийлж хөдөлмөрлөдөгт оршдог.
• Аливаа барилга нь бат бөх байх,
• Хүний хэрэгцээг хангасан байх,
• Гоо сайхны шаардлагад нийцсэн байх гэсэн архитектурын үндсэн гурван зарчимыг агуулдаг.
Улмаар хотжилтын үндсэн дүр төрхийг илэрхийлж, түүхэн цаг үеийн “дуугүй” баримт болж сүндэрлэн байдаг. Ийм “дуугүй” баримтуудын цаад талд архитектор хэмээх эрхэм хүмүүс дуугүйхэн дүнсийж суудаг юм.

Ийнхүү өнөө цагийн Монгол улсын архитектурын салбарын өнгийг тодорхойлцож байсан, бас эртний түүх соёл, уламжлалаа дээдлэсэн, түүхэн уламжлалыг орчин үеийн шинэ техник, технологийн дэвшилтэй хослуулан архитектурын шинэ хэв маягийг буй болгон хөдөлмөрлөж, тухайн салбартаа манлайлж явсан эрхэм хүмүүн бол Дашдамбын Балдан архитектор билээ.

17/06/2021

Монгол ардын намын төв байр "Тусгаар тогтнолын ордон" /Улаанбаатар хот 2009 он/

17/06/2021

Өвөрхангай аймгийн сүлд тэмдэг/Өвөрхангай аймаг 1997 он/

08/04/2021

Манай компани 2002 онд барилгын зураг төслийн ажил боловсруулах чиглэлээр үүсгэн байгуулагдсан. Тус компанид 3-30 хүртэл жил ажилласан 10 гаруй архитектор, инженер техникийн ажилтнууд ажиллаж байна.
БХБ-ын сайдын 2015.09.24-ны ЗТ11-12/15 дугаар бүхий дараахь төрлийн ажиллагааг явуулдаг. Үүнд:
1.1.2 Хот, тосгоны ерөнхий төлөвлөгөө, хэсэгчилсэн ерөнхий төлөвлөгөө, хот төлөвлөлтийн суурь судалгаа
1.2.2 1-16 давхар барилга байгууламжийн барилга архитектур, орчны ерөнхий төлөвлөгөө, тохижилт, өндөржилт, барилга бүтээцийн зураг төсөл, Барилгын зохион байгуулалтын зураг төсөл (БЗБТ, АГТ, ҮЗБТ)
Барилга байгууламжийн тоног төхөөрөмж, инженерийн байгууламж (резервуар, бункер, силос, цамхаг, яндан, антенна гэх мэт)-ийн зураг төсөл, барилгын зохион байгуулалтын зураг төсөл (БЗБТ, АГТ, ҮЗБТ)
1.2.3 Түүх, соёлын дурсгалт барилга байгууламжийн сэргээн засварлалт, барилгын зохион байгуулалтын зураг төсөл /БЗБТ, АТГ, ҮЗТБ/
Зөвшөөрлийн хүрээнд: хот, суурин газар, хороололын хэсэгчилсэн ерөнхий төлөвлөгөө, орон сууц, олон нийтийн барилгын зураг төсөл, монументаль-хөшөө дурсгал, интерьер, экстерьерийн барилгын иж бүрэн зураг төсөл гүйцэтгэж, мэргэжлийн зөвлөлгөө өгөх, уран бүтээлийн уралдааны шинэ санаа боловсруулах, , оюутан залууст мэргэжлийн дадлага, зөвлөмж өгөх зэрэг үйл ажиллагаа явуулдаг.
Манай компани хот байгуулалт, зураг төслийн салбарт ажилласан туршлага мэргэжлийн чадвартаа тулгуурлан хөрөнгө оруулагч, vйлчлvvлэгч, захиалагчдынхаа хэрэгцээ шаардлагад нийцсэн хvн ба байгалийн харилцан шүтэлцээн, хөдөлгөөний зохицол онцлогт зохицуулсан орон зайн төлөвлөлт, хэлбэр (дизайн) зохиомжийн оновчтой шийдлийг эрэлхийлэн ерөнхий төлөвлөгөө, хотхон, хороолол болон тухайлсан барилга, байгууламжийг орчны тохижилт, цэцэрлэгжилтийг өвөрмөц шийдэл бүхий хvний ажиллаж амьдрах, амарч цуглах ая тухтай орчинг иргэн орон сууц, олон нийтийн барилга, эмнэлэг, сургууль цэцэрлэг, банк, зочид буудал оффис худалдаа-үйлчилгээний зориулалттай барилгад илүү түлхүү бий болгохыг эрмэлзэн ажиллаж байна.
Захиалагч үйлчлүүлэгчдээ зориулан зураг төслийн ажлын бэлтгэл үеэс эхлэн барьж ашиглалтад оруулах хvртэлх vе шатуудад мэргэжлийн зөвлөх vйлчилгээ vзvvлнэ.

06/04/2021