Kabubog bro

Kabubog bro kabubog bro! at your service for God's Glory!

✅
11/11/2023

✅

09/07/2023

Food for the day
July 10, 2023

" Seen. "

Kawikaan 8:33 Upang maging matalino, ang turo ko ay dinggin mo,
huwag mong pababayaan ni lalayuan ito.

Sa mundong ginagalawan natin ibig sabihin ng seen ay nakita, narinig o natanggap ang mensahe pero walang reply. Di binigyan ng pansin o halaga; sa Bible ang term dito ay nagbubulag-bulagan. Sa Kawikaan 28:27 Ang tumutulong sa mahirap ay di magkukulang, ngunit susumpain ang nagbubulag-bulagan. Malaking problema ito sa isang tao , lalo na sa ating mananampalataya; better be aware: No. 1. kung ano ang kalooban ni Lord sa buhay mo. No. 2 Ano ang calling o partikular na pinapagawa sa iyo at No. 3 Alam natin ang Salita niya at sa huli meron tayong reply sa lahat ng ito , hindi binalewala.

Ang mga taong di binabalewala si Lord ang tawag MANANAGUMPAY - ayon sa Pahayag 21:7 pero sa verse 8 sila yung mga nag-seen lang sa Panginoong Hesus at sa kanyang Salita. Kaya magkatunog pala ang seen at sin; now i know. Now we know, patuloy lang sumunod at magtiwala sa Panginoong Hesus. Santiago 4:17 - Ang nakakaalam na dapat niyang gawin ang mabuti ngunit hindi iyon ginagawa ay nagkakasala. Basahin din ang 1 Pedro 3:14 , Santiago 1:22.

Salamat O Diyos Sa pagpapaalala sa amin na laging mas mahalaga ang yaman sa langit , tulungan nyo pa kaming sumunod. Amen.

Q2P :
Meron ka bang mga bagay na kinakaligtaan na para sa Lord? Paano ka pa magiging doer at hindi seener?

15/02/2023

Food for the Day
February 15, 2023

Ano kaya…

Luke 16:31 Kung ayaw nilang pakinggan ang mga sinulat ni Moises at ng mga propeta, hindi rin nila paniniwalaan kahit ang isang patay na muling nabuhay.

Ano kaya? Naisip ko ito habang iniisip ko ang mayaman na nakiusap na pabalikin si Lazarus upang babalaan ang kanyang mga kapatid. Ano kaya kung may may patay na bumalik, makinig kaya ang mga tao? Ano kaya kung bumalik si Pope John Paul II para magsalita at sabihing meron ngang buhay pagkatapos ng kamatayan, na mahalaga kung paano tayo nakikitungo sa mga mahihirap sa mundo at magsusulit tayo kung ano ang ginawa natin sa kanila? Susunod na kaya ang tao sa Diyos at magbabago ng buhay? Marahil nag-isip ang mayamang ito sa talinhaga. Pinakiusapan niya si Abraham na suguin si Lazarus upang babalaan ang kanyang mga kapatid, ngunit, nilinaw ni Jesus: kung ayaw maniwala ng tao sa Salita ng diyos, hindi rin sila maniniwala sa katotohanan kahit may isang magbalik mula sa mga patay upang magsalita sa kanila.

Alam ni Jesus ang katigasan ng puso ng tao. Ngayon, hindi lamang si “Moses at mga propeta” kundi ang Bagong Tipan na nagsasabi na maging si Jesus ay bumangon mula sa mga patay upang tayo ay magkaroon ng buhay na walang hanggan sa kanya. Pero hindi lahat ay naniniwala na kailangan nila ng Tagapagligtas. Kailangan ang Espiritu ng Diyos, na gumawa, kilusin ang puso natin. Kaya, tinatawagan tayo ni Jesus na mabuhay tayo ayon sa Salita ng Diyos, ibahagi ito sa iba, at hilingin sa Espiritu na ihayag ang katotohanan sa kanila (Jn 16:7-15). Basahin din ang Lk 16:22-31.

Panginoon, salamat sa iyong Salita at sa kaligtasan kay Jesus. Tulungan mo kaming ibahagi ang iyong pag-ibig at katotohanan sa lahat. Amen.

Q2P:
Gaano kabilis mong tinanggap ang Salita ng Diyos? Gaano ka magiging matiyagang ibahagi tio sa iba?

13/02/2023

Food for the Day
February 14, 2023

Lumihis ng daan.

Luke 10:31-32 Nagkataong dumaan doon ang isang paring Judio. Nang makita ang taong nakahandusay, lumihis siya at nagpatuloy sa kanyang paglakad. Dumaan din ang isang Levita…

Kwento sa Facebook ng isang pastor sa unang Linggo niya sa malaking church ay nagpasyang magpanggap na isang pulubi. Bago ang service, tumigil siya sa harap ng church, pabulong na binabati ang mga tao. Tatlo lamang ang bumati sa kanya. Nang humingi siya ng pambili ng tinapay, nilagpasan lang siya ng mga tao. Siguro para sa kanila, di dapat magbigay sa mga namamalimos. Isa pa, bakit kaya naging pulubi? Naging drug addict kaya, lasenggo kaya siya kaya naghirap? Ang mga miyemro ng church ay “lumihis ng daan.” Ganon ang ginawa ng mga saserdote at mga Levita sa talinhaga. Siguro, nagmamadali papunta sa pagsamaba, o pagod at gusto nang makauwi ng bahay, sila ay humanap ng ibang daan.

Hindi ang ninakawan at binugbog na lalaki ang kanilang problema, ang pagtigil upang tumulong ay maaaring maglagay sa kanila sa panganib. Ang masama ay ang paglagpas na di tumulong. Puede namang mag-isip ng ibang paraan. Maraming pagkakataon, nadadaanan natin ang mga taong kailangan ng tulong at wala tayong ginawa. Iniisip natin na masyado tayong abala. Kung tayo ay lumihis ng daan at di nakatulong sa nangangailangan, humingi tayo ng tawad sa Diyos, at humanap ng pagkakataon na magawa ito. Humanap ng pagkakataon na makapaglingkod. Basahin din ang Lk 10:25-32.

Panginoon, salamat na inabot mo kami noong kami ay bagsak at lugmok. Bigyan mo kami ng awa at turuang tumulong sa iba. Amen.

Q2P:
Ano ang puede mong gawin upang ipakita na di tayo katulad ng mga Pariseo na lumihis ng daan upang di makatulong sa iba?

Food for the Day February 4, 2023Bakit tayo narito?Matthew 25:23 Magaling! Tapat at mabuting lingkod! Naging tapat ka sa...
03/02/2023

Food for the Day
February 4, 2023

Bakit tayo narito?

Matthew 25:23 Magaling! Tapat at mabuting lingkod! Naging tapat ka sa kaunting halaga, kaya't pamamahalain kita sa malaking halaga. Samahan mo ako sa aking kagalakan!

May dalawang bababe ang sumulat ng aklat, The Unique Challenges of Life in Your Twenties. Sa kanilang kwento, bigo sila sa nangyayari sa kanilang buhay. Sa halip na maging matagumpay pagkatapos ng college, bigo sila. Nagsimula silang magtanong, “Bakit tayo naririto?” Nakakaranas sila ng tinatawag na “the quarterlife crisis.” Ito man ay dahil sa quarterlife crisis, midlife crisis, o retirement crisis, ganon pa rin ang tanong ng maraming tao: Bakit ako narito? O ano ang layunin ng buhay ko? Ang talinhaga ni Jesus tungkol sa salaping ginto ay tutulong na sagutin ang katanungan.

Bawat isa sa atin ay nilikha para sa isang layunin, naniniwala man tayo sa Diyos o hindi. At upang matupad ang layunin, pinagtiwalaan tayo ng mga kaloob upang magamit sa paglilingkod sa kanya at itatag ang kanyang kaharian sa mundo. Bawat isa, sa ating paraan at sa ating panahon ay inilagay sa mundo upang ibigin ang Diyos at mahalin ang kapwa. Nasa atin kung gagamitin ang ating kaloob na ibinigay upang simulang paglingkuran ang Panginoon sa ating buhay araw-araw. Kapag ginagamit natin ang kaloob, isang araw sasabihin sa atin, “Magaling! Tapat at mabuting lingkod! Basahin din ang Mt 25:14-23.

Panginoon, salamat sa pagtitiwala ma sa amin ng mga kaloob. Palakasin mo kaming magamit sila sa paglilingkod sa iyo at sa iba. Amen.

Q2P:
Anu-ano ang mga kaloob sa iyo ng Diyos na maaari mong gamitin sa paglilingkod sa kanya? Ginagamit mo ba?

31/01/2023

Food for the Day
February 1, 2023

Paano ka nakikinig?

Luke 8:8 At pagkatapos ay sinabi niya nang malakas, “Makinig ang may pandinig!”

Ginagawa nyo ba na kapag natapos kayong makinig ng sermon ay pinag-uusapan ninyo kung ano ang iniisip nyo tungkol dito? Mahalaga ito sapagkat nagsasama tayo sa pagsamaba upang pakinggan ang salita ng Panginoon. Eto pa ang mahalagang tanong: “Kumusta ang bawat isa, nakinig ba silang mabuti?” Ayon kay Jesus, napakahalaga ng pakikinig: “Ang may pandinig ay makinig.” “Kaya't pagbutihin ninyo ang inyong pakikinig… (Lk 8:18). Ang pakikinig ng salita ng Diyos ay napakalaking pribilehiyo pero ito rin ay malaking responsibilidad. Tayong lahat ay magsusulit kung paano tayo nakinig at ano ang ginawa natin sa ating napakinggan. Ang pakikinig ay mahirap.

Sa loob ng 30 taon ng pangangaral, naobserbahan kong mas mahirap makinig kaysa magturo o magpreach. Mas madalas, pinupuna natin sa halip na tanungin natin, “Ano ang sinabi sa akin ng Panginoon? Paano ito nakaapekto sa aking buhay? Ano ang gagawin ko matapos kong marinig?” Yon ang mahalaga. Sabi ni James, maging tagapagsagawa tayo ng salita (James 1:22). Basahin din ang Lk 8:4-9.

Panginoon, turuan mo kaming makinig, tulungan mo kaming gawin ang aming napapakinggan. Amen.

Q2P:
Sa karanasan mo, paano ka nakikinabang sa pakikinig at pagsasagawa ng salita ng Diyos?

05/01/2023

Food for the Day by Benj Cantoria
January 5, 2023

Paglago.

Ephesians 5:18 Huwag kayong maglalasing, sapagkat sisirain lamang niyan ang inyong buhay. Sa halip ay dapat kayong mapuspos ng Espiritu.

Mayroong isang mag-asawa na kausap ang kanilang anak sa telepono habang nagdiriwang ng Bagong Taon. Tinanong ng anak ang kanyang tatay kung ano ang New Year’s resolution nito. Ang sagot ng tatay, “Ang new year’s resolution ko ay ang mas mahalin pa at paglingkuran ang nanay mo.” Matapos itong sumagot tinanong naman ng anak ang nanay, ikaw ma, “Anong new year’s resolution mo?” Ang sagot ng nanay, “Ang akin ay ang bantayan ang new year’s resolution ng tatay mo kung gagawin nya talaga.”

Ngayong bagong taon isipin nating ganito ang Diyos sa atin, nagbabantay sya kung talaga bang nagbabago tayo at lumalago sa ating pananampalataya. Ganyan ang katuruan ng verse na ito, “Huwag kayong maglalasing, sapagkat sisirain lamang niyan ang inyong buhay. Sa halip ay dapat kayong mapuspos ng Espiritu.” Dahil sa kapuspusan natin sa presensya ng Diyos, magpapatuloy tayong lumago sa ating pananampalataya ng walang sinasayang na panahon sa ating mga buhay. Basahin din ang Ephesians 5:15-20.

Panginoon tulungan nyo po kaming maging malayo sa mga bagay ng sanlibutan, at mapuspos ng Banal na Espiritu.

Q2P: Paano ka pa mas lalago ngayong 2023? Ano ang mga gagawin mo?

20/11/2022

Food for the Day by Brando Ceneta
November 21, 2022

Sad!

Colosas 3:1 Sa wakas, mga kapatid, magalak kayo sa Panginoon.

S.A.D- meron palang literal meaning hindi lang malungkot kundi "seasonal affective disorder" kung saan ang kalungkutan ay dumadating o nadarama ng seasonal kumbaga sabi ng iba "may sumpong ". Maaaring naaapektuhan ng pangyayari pero ang lungkot ay sanhi ng oras o panahon ng lumabas ito. Ngayong araw, nakadama ako ng lungkot dahil feeling ko di ako effective as a leader, I feel weak at minsan I feel alone. Nakaka-sad! Kaya nga ang encouragement sa atin ng salita ng Lord ay magalak dahil ang lungkot ay nadarama sa ayaw at sa gusto mo, in season or out of season. Sabi sa Isaias 61:10, “Buong puso akong nagagalak kay Yahweh. Dahil sa Diyos ako'y magpupuri sapagkat sinuotan niya ako ng damit ng kaligtasan, at balabal ng katuwiran.”

Kung darating talaga ang lungkot, meron namang dahilan para maging masaya lalo na sa piling ng Diyos. 2 Corinto 1: 3 ang Diyos ang pinagmumulan ng lahat ng kaaliwan. Talatang 4, ito ay dapat makita at maipasa naman natin sa iba, Talatang 5, kung gaano kadami ang dahilan para malungkot, ganon din kadami ang dahilan para maging masaya sa buhay kasama ang Lord. Maging masaya ka kapatid sa tulong ni Lord to live longer. Sa kawikaan 17:22, “Ang pagkamasayahin ay mabuti sa katawan, at ang malungkuti'y unti-unting namamatay.” Aba, teka, mahirap na kapatid, "rejoice in the Lord always." Cheer up! Me ibig sabihin din pala ang SAYA- Stay Appy You Always. Basahin din ang Habakkuk 3:18-19; 1Pedro 4:12-13.

Panginoon, salamat po, kayo ang source ng lahat ng pagpapala kasama na ang saya. Patuloy nyo kaming aliwin. Amen.

Q2P:
Kapag sad ka, paano mo nararanasan ang kasiyahan at kaaliwang mula sa Lord? Paano mo din ito naibabahagi sa iba?

16/11/2022

Food for the Day by Benj Cantoria
November 17, 2022

Turning imagination into reality.

Efeso 2:10
10 Kung ano tayo ngayon ay gawa ng Diyos, at sa pakikipag-isa natin kay Cristo Jesus ay nilikha niya tayo para sa mabubuting gawa na inihanda niya noong una pa man upang gawin natin.

Sa architecture, ang pinakaunang kailangan ay imagination ngunit ang kasunod nito ay kung papaano mo gagawing realidad ang iyong imahinasyon. “Turning Imagination Into Reality” Bago simulang gawin ng isang architect ang isang building, kanyang idine-detalye ito hanggang sa pinakamaliit na component sa papel, upang magawa kung ano ang nasa kanyang imaginasyon. Una ay sa isip pagkatapos ay ililipat na sa papel, at kung matapos na ang plano ay tsaka palang sisimulang gawin ang building.

Parang ganito rin tayo ginawa ng Diyos. Bago pa man tayo nabuhay ay naisulat na ng Diyos ang kanyang mga plano para sa atin. May dahilan ang ating buhay, at may dakilang plano ang Diyos para sa atin dahil mahal niya tayo. Kaya dapat ay sundin natin ang sinasabi sa talata, “Kung ano tayo ngayon ay gawa ng Diyos, at sa pakikipag-isa natin kay Cristo Jesus ay nilikha niya tayo para sa mabubuting gawa na inihanda niya noong una pa man upang gawin natin.” Tanging ang Diyos lamang ang nakakaalam ng kanyang plano para sayo. Basahin din ang Jer 29:11, Eph 2:1-10.

Panginoon salamat dahil may maganda kang plano para sa amin. Patuloy po Ninyo pong ganapin ang mga ito at magpapatuloy po kaming sumunod at magalak Saiyo.

Q2P:
Sa palagay mo ba ay ginagawa mo ng realidad ang mga plano ng Diyos sa buhay mo ngayon?

Address

Binangonan
1940

Website

Alerts

Be the first to know and let us send you an email when Kabubog bro posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kabubog bro:

Shortcuts

Share

Category