06/06/2026
"Dark Chocolate"
:Bitter taste of a Sweet chocolate
By -Owef W.
Kinarigat panagbiyag isu't nangduron,
Ijay sabali pagilyan inka't naturong.
Kinaawan panggedan isu kapilitan,
Ipatpateg a pamilyam inka pinanawan.
Ni inang wenno ni tatang mo,
Inturtured na maited laeng ti kayat mo.
Tay kabsat ken uray ni baket
Dagsin ti rikna, inda insanget.
Napan dan naglugan ijay eroplano,
Nagtalikod bukod a lulwa pinunas yo.
Nga nu mabalbalen di yo kuma kayat,
A kinunayo,"nu dtoy lang awan mapasamak
Naglabas ti aldaw, bulan ken tawen,
Tay pinanawam inda nasanayen.
Ta sa daka lang malagep,
Nu tyempo ti panag recieve.
Ajay buridek, siyam a bulan a kinarga,
Awagan naka't mama nu adda pagatang na
A Maigapwan inka manen panagladingit,
Ta adda gayam Pait tay chocolate a nasam-it.
