09/05/2026
Pakiramdam MO Lang Yan insan..safe Ngayon at wala na adik as per Mr..........
“PARANG ‘DI NA SAFE ANG PINAS” — MR.NOBODYDUDY, NAGLABAS NG SAMA NG LOOB SA KALAGAYAN NG BANSA
Nag-viral sa social media ang sunod-sunod na pahayag ng social media personality na si Mr.Nobodydudy matapos niyang ibahagi ang kanyang pagkabahala umano sa peace and order situation sa bansa.
Sa kanyang Facebook posts, diretsahan niyang sinabi na nasasaktan umano siyang makita ang unti-unting pagkasira ng bansang kanyang kinalakihan.
“Sobrang love ko ang Pinas mga Insan! Born and raised ako dito! Nasasaktan ako nasisira na itong magandang bansa na ito pakunti kunti..”
Kasunod nito, naglabas pa siya ng pahayag kung saan sinabi niyang tila hindi na umano ligtas ang bansa dahil sa sunod-sunod na krimen at kaguluhan na kanyang nababasa sa balita.
“Sorry pero parang di na safe ang Pinas! Wala ng control sa mga ngyayare GG! 😭 grabe mga balita ilang mga Indian naden nadali naghahanap buhay lang tapos mga ad*k dumadame ang gulo na!”
Ang naturang pahayag ay lumabas kasabay ng umiinit na online discussions hinggil sa peace and order situation sa bansa, lalo na matapos sabihin ni DILG Secretary Jonvic Remulla na “mas ligtas” umano ngayon ang Pilipinas kumpara sa mga nagdaang taon.
Sa comment section, may ilang netizens ang nagpahayag ng pagsang-ayon sa sentimyento ni Mr.Nobodydudy, habang ang iba naman ay nanawagan na huwag umanong magpakalat ng labis na takot sa publiko.
Isa sa mga palitan ay nang magkomento ang isang netizen ng:
“Safe na safe daw insan 🤡”
Kasunod nito, sumagot naman si Mr.Nobodydudy:
“Easy for them to talk sa air conditioned rooms and kumikita ng pera naka upo pirma pirma lang lets be honest alam natin lahat ng mga nakaupo m’s and b’s na laman ng bulsa ng mga yan!”
May ilan ding netizens ang nagkomento ng biro at patama kaugnay sa flood control at peace and order issues sa bansa.
“Kalma insan, everything is under flood control.”