Design HOUSE - دار التصميم الهندسي

Design HOUSE - دار التصميم الهندسي Good DEISGN for good MOMENTS

م. ديما العملة
بكالوريوس هندسة معمارية - تقدير ممتاز
ماجستير تصميم مستدام - امتياز
عضو هيئة تدريسية في جامعة بوليتكنك فلسطين

م. نظمية الدبس
بكالوريوس هندسة مدنية - من جامعة البصرة في العراق
شهادات رسمية في العقود والعطاءات -وإدارة المشاريع الهندسية - والمباني المقاومة للزلازل - وتطويع المباني لخدمة ذوي الاحتياجات الخاصة.
رئيسة قسم الهندسة في مديرية التربية والتعليم - فرع يطا

م. أصالة العملة
ب

كالوريوس هندسة معمارية - جامعة بير زيت
خبرة في التصميم الداخلي والخارجي - الدوحة - قطر
مصممة مهرجانات وحفلات - شركة يا هلا افنتس - الدوحة - قطر

☕✨لما نصمملك البرندة، هدفنا دايمًا إنها تكون زاوية تسرّك وتخليك تستمتع بقهوة الصبح أو قعدة العصر 🌿💛القعدة، المراجيح، الز...
20/09/2025

☕✨
لما نصمملك البرندة، هدفنا دايمًا إنها تكون زاوية تسرّك وتخليك تستمتع بقهوة الصبح أو قعدة العصر 🌿💛
القعدة، المراجيح، الزرع، كل تفصيلة منحاول نخلق فيها جو هادي يخلّيك تحب بيتك أكتر.

هاي البرندة من تصميمنا لبيت السيد فؤاد العملة 🌟 بتمنّى تعجبكم وتلهمكم لأفكار جديدة لبيوتكم 🤍

#برندة

لأن شغف ولادنا لازم يطلع بتفاصيل حلوة ❤️عملنالُه هالغرفة لعاشق الديناصورات 🦕، دمجنا فيها الخشب الطبيعي مع الإضاءة الدافي...
20/09/2025

لأن شغف ولادنا لازم يطلع بتفاصيل حلوة ❤️
عملنالُه هالغرفة لعاشق الديناصورات 🦕، دمجنا فيها الخشب الطبيعي مع الإضاءة الدافية والألوان الهادية ليكون عنده ركن يعبّر عن شخصيتُه ويعيش فيه أحلى لحظات الخيال 🌿✨

#ديناصورات #ديزاين

💧🏠مشكلة تسريب المي من سطح البيت مش دايمًا بسبب “العزل ضعيف” بس…أغلب الأوقات السبب الحقيقي هو مدة الميلان اللي مش معمولة ...
20/09/2025

💧🏠
مشكلة تسريب المي من سطح البيت مش دايمًا بسبب “العزل ضعيف” بس…
أغلب الأوقات السبب الحقيقي هو مدة الميلان اللي مش معمولة صح!

في الفيديو شرحت:
🔹 ليش ممنوع نعمل الميلان بنفس العقدة (وبيأثر على الأحمال الإنشائية).
🔹 كيف لازم نقسّم السطح لمساحات مدروسة بالشبلونات ونحدد العالي والواطي.
🔹 نسبة الميلان الصح (1–2%) وعدد المصارف (كل 100 م² تقريبًا مصرف).
🔹 ترتيب العزل حسب استخدام السطح (تحت المدة إذا مستخدم، رولات إذا مش مستخدم).
🔹 ولو ناويين تبلطوا السطح… الميلان بيكون بالرمل أو السمسية تحت البلاط.
🔹 وأهم شي: معالجة الأطراف بعمل تثمينة وعزلها.

✨ التفاصيل الصغيرة بتفرق كتير… سطح مدروس = بيت بلا رطوبة ولا تسريب.

شو أكتر مشكلة بتشوفوها بأسطح بيوتكم؟ 👇

🌳☀️شايفين الشجرة اللي تعلمنا عنها بالعلوم "متساقطة الأوراق"؟هي مش بس معلومة بالكتاب… هاي الشجرة لو زرعناها قدام واجهاتنا...
20/09/2025

🌳☀️
شايفين الشجرة اللي تعلمنا عنها بالعلوم "متساقطة الأوراق"؟
هي مش بس معلومة بالكتاب… هاي الشجرة لو زرعناها قدام واجهاتنا الشرقية والغربية رح تشتغل كأنها كاسر شمس طبيعي:

بالصيف 🌞: أوراقها بتتعبّى وبتمنع أشعة الشمس المزعجة تدخل عالبيت.

بالشتا ❄️: أوراقها بتتساقط وبتخلي الشمس تدفّي البيت وتزيد الإنارة.

📌 أمثلة؟ اللوزيات، التوت، الكرمة، الحور، والصفصاف.
فكروا فيها كحل تصميم بيئي بسيط وفعّال… مكيف طبيعي ببلاش!

الرطوبة والعفن بالبيت مش بس منظر مزعج… هي مؤشر على مشكلة أكبر! 🚨والخطأ اللي بنعمله؟ منغطيها دهان أو بلاط… وبننسى نعالج ا...
20/09/2025

الرطوبة والعفن بالبيت مش بس منظر مزعج… هي مؤشر على مشكلة أكبر! 🚨
والخطأ اللي بنعمله؟ منغطيها دهان أو بلاط… وبننسى نعالج السبب.

بفيديو اليوم، شرحت كيف تعرف مصدر الرطوبة بخطوات بسيطة:

إذا الرطوبة تحت بالجدار → غالبًا من الأرض أو الأساسات.

إذا فوق وبشكل بقع أو تقبيع دهان → مشكلة بتصريف المي على العقدة.

إذا حوالين الشبابيك → تكاثف بسبب فرق حرارة وسوء تهوية.

إذا بالسقف وخاصة بالحمامات والمطابخ → تكاثف من بخار المي.

💧 معلومة إضافية ما حكيناها بالفيديو: أحيانًا السبب بيكون تسرّب من مواسير المي أو الصرف الصحي! وهون التشخيص بدو فحص أدق لأنه ممكن يكون داخل الحيط أو الأرضية.

💡 تذكّر: التشخيص الصح هو أول خطوة للعلاج الصح!
شو أكتر مكان بتشوف فيه رطوبة ببيتك؟ 👇

مش كل الغرف متل بعض… ولا كل وقت متل التاني!هل فكرت إنك توزّع فراغات بيتك حسب وقت استخدامها؟☀️ في فراغات بتحتاج شمس الصبح...
20/09/2025

مش كل الغرف متل بعض… ولا كل وقت متل التاني!
هل فكرت إنك توزّع فراغات بيتك حسب وقت استخدامها؟
☀️ في فراغات بتحتاج شمس الصبح
🌙 وفي فراغات راحتها بالليل
🌬️ وفي فراغات لازم تتنفّس بهدوء

بهالفيديو، رح تكتشف كيف توجيه الشمس والرياح
بيساعدك توزّع المطبخ، الصالون، الحمام وحتى غرفة النوم بشكل أذكى
🔥 وبتعرف ليش المطبخ الغربي ممكن "يعشق" ريحة الأكل بالفرش
وكيف واجهة جنوبية ممكن توفّر عليك تكييف وتدفئة وضو!

🎓 مهم لكل حدا ناوي يبني أو يصمّم
وخصوصًا لطلاب العمارة اللي بدهم يفهموا التوجيه مش بالحكي… بالتحليل

👇 احكولنا بالتعليقات:
شو أكتر غرفة بتحسوا دايمًا حر فيها؟ أو دايمًا فيها ريحة؟

Address

Beit Ula
Hebron

Telephone

+970598535540

Website

Alerts

Be the first to know and let us send you an email when Design HOUSE - دار التصميم الهندسي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category