02/01/2023
جفاف الليل😂🖤
قالت"-
كنت في الثانوي وهو في الجامعه م شاءالله جلابي انا كنت بمشي المدرسه كداري وبنتصادف دايما انا طالعه علي المدرسه وهو طالع علي الجامعه هو ولد جيرانا م كان بركب العربيه كان بمشي معاي كداري كنت بستغرب منو قلت يمكن ماشي الدكان ولا حاجه بس الشغله بقت كل يوم لمن ابتديت اخاف منو بمشي معاي لقايت م ادخل باب المدرسه وبرجع يوم م كنت مشيت المدرسه وبقيت بعاين ليهو من البلكونة فضل قاعد منتظرني ساعتين لمن م طلعت مشى تاني يوم مشيت المدرسه ومشي معاي قمت وقفت وسألتو مالك في شنو كل يوم بتوصلني وبترجع زهجتني ياخ دا شنو التوتر الأنا فيها دا وطريق جامعتك م بي طريقي قال لي بخاف يحصل ليك حاجه وانا م عارف وانت الدخلك فيني شنو قال لي بحبك ياخ اعمل شنو قلبي م مطاوعني اخليك تمشي براك وم قادر م افكر فيك واشوفك مرتي قلت ليهو عليك الله مخلي بنات الجامعه المزز وجاي تعاين لي شافعه ثانوي قال لي الشافعه دي مخها بوزن بلد زوله بالجد تنحب بضمير وانا مستعد أعافر لقايت م تبقى مرتي وانا م شايف غيرك قلت ليهو والله فارغ عليك الله شوف جامعتك بي وين ودخلت المدرسه وانا اليوم كلو بفكر في كلامو كلمت شلتي وقالو لي اديهو فرصه يمكن يكون صادق ولا م حتعب ويصحى بدري كل يوم ويوصلك م اشتغلت بي الموضوع تاني يوم لقيتو منتظرني قال لي اها ي مرتي فكرتي م رديت عليهو فضل ماشي ويتكلم ويتكلم طول الطريق م سكت وانا كنت مبسوطه وم عاوزاهو يسكت لمن عاوزه ادخل قلت ليهو باي باي دي كانت بالنسبه ليهو زي بحبك فرح فرح وقال" اللهم اجعلها من نصيبي واجعلني من نصيبها ولا تنزع حبها من قلبي وازرع حبي في قلبها" وانا طوالي قلت امييييييييين بصوت عالي وهو سمع وضحك تاني يوم كان عندي امتحان وشايله الهم وخايف لاقاني وقال "صباح الخير ي خيري" مالك خايفه كدا مسك يدي لقلها تلج قالت ليهو عندي امتحان م تخافي مرتي شاطره وم بنخاف عليها وبعدين بحبك ياخ "الصدف نعمه وأكبر نعمه اني عرفتك" في اللحظه دي حسيت نفسي ماكله الكتاب اكل فعلا دخلت الامتحان وحليت مافي حاجه غلبتتي من الفرحه لمن جيت راجعه لاقيتو وقال لي اها بشري قلت ليهو بحبك طوالي دخلت بيتنا سمعتو بغني وبقول " انا قلبي مالو اليوم ... " ويخطط من الفرح هو كان آخر سنه ليهو في الجامعه تاني يوم جاء قال لي تخريجي الليله تعالي وانا بعد يومين مسافر قلت ليهو وين وانا عيوني أتملت دموع دموعي قريبه قال لي م تخافي " حرجع عشانك انا كنت منتظرك تحبيني" مستحيل اخليك وراي وم ارجع ليك حرجع وحتبقى مرتي بس ماشي اكون نفسي واجي اعرسك انا من الزعل م مشيت التخريج وجاء وقت سفرو وودعني وقال " ي أجمل أشخاصي ي اصل فرحتي وبهجتي وي من يليق به الاستثناء ونور ايامي" حرجع عشانك وليك ي السمحه وسافر وعدت 4 سنين وم رجع وانا وقتها كنت في رابعه جامعه فضل لي سنه واتخرج وجوني عرسان كتار وانا أرفض وكنت متأكده إنو حرجع عمري م فقدت الأمل وناس بيتنا يسألوني عندك زول وانا اقول لا عاوزه اكمل قرايتي لكن م صدقوني في واحد صحبي كان بحبني من اول سنه وجاني اعترف لي قلت ليهو مخطوبه قال لي كذابه وجاء البيت في نفس اليوم كان هتان رجع من السفر وطوالي جاء بيتنا يكلم ابوي ولقى صحبي العارض واهلو مع دخلتو سمع انو بقولو جايين يخطبوني وقتها حسيت انو في زول في الباب لمن اتلفت للباب لقيتو واقف والدموع خلاص حتنزل ومعصب وطوالي رجع جريت وراها وقلت ليهو هتان قال لي ليه م انتظرتيني وحبيتي ليه وانا رجعت عشانك وفضلت علي أمل كلمة بحبك وكل يوم بجهز في الشقه والشيله ليه عملتي كدا دموعي نزلت قلت ليهو م موافقه عليهو وانا منتظرك وكنت عايشه علي أمل انك ترجع "كيف أحب غيرك وانا م شايفه غيرك كيف افكر في غيرك وانت من تفكيري م بتطلع " قال " عيونك بتجزبني وبتمسح كل الحزن والهشاشه الفيني حتى وانتي بتبكي جميله" مسك يدي ودخلنا وقال ليهم معليش طلبكم مرفوض هي مرتي وقتها ابوي وامي واخواني بقو متصدمين وانا مصدومه اكتر كيف يعني قال ليهم دقيقه أثبت ليكم راجل جيرانا كان مأذون أتصل عليهو وقال ليهو جيب دفترك وتعال في بيت ناس علي طوالي رسل اخوي ينادي اهلو وقال لي ابوي انا داير بتك لي 5 سنين وسافرت اكون نفسي وجيت وابوي اصلا بعرفو وكان عاوزني ليهو كل يوم بقول لي الله يجعلك من نصيب الفى بالي كنت بسألو دا منو الفي بالك بقول لي م بوريك وكانو ملك قال امين هتان م شاءالله عليهو معروف في الحله ابوي طوالي قال ليهو موافق وانا من زمان حاجز بتي ليك هتان قبل علي وقال " الحظوظ بتتكتب اشكال وأنواع الا حظي اتكتب فيك" وفعلا عقدنا لمن جاء يحضني قال لي "نحضن بعض براحه عشان م يعرفوا إنو كنا بنحب بعض" بقيت بضحك قلت ليهو " ووفيت بوعدك لي وكنت اظنه وعد منسى" قال "حاربت الدنيا عشانك واغتربت عشانك وعشان اوفي بوعدي ليك " انا م شفت غيرك عشان انساك انا مكتفى بيك وم بتمنى شئ بعدك " بقيت بعاين في عيونو قلت ليهو كل الحب الفي عيونك دا لي انا براي قال " بتستاهلي أكتر والأكتر جاي بس خليك معاي" "وانا معاك وين م تكون" قال لي ابوي "البدايات للكل والثابت للصادقين وانا اثبت كلمتي وبقيتها مرتي" قال للولد الكان دايرني مافي زول بياخدها مني غير ربنا هي لي وانا ليها ومافي زول بدخل بينا ولا حتى الشيطان " كنت صحبها والصحبه دي انتهت الليله مرتي م بتصاحب غيري و قال لي "مهما حصل بينا م تنسى طريق الرجعه لي وانا عمري م حشوف طريق غيرك واحنا طريقنا واحد"🖤🖤
