Pipeline Engineering : بايبلاين الهندسية

Home
Sudan
Khartoum
Pipeline Engineering : بايبلاين الهندسية

Specialized company in designing and implementing both rural and urban water and sanitation projects As we implement projects as:
1.
(1)

بايبلاين الهندسية هي عمل متخصص في مجال المياه والإصحاح البيئي تعمل على اعداد وتنفيذ الدراسات الجيوفيزيائية والهيدرولوجية والبيئية لكافة المشاريع المتعلقة بالمياه والري والبيئة. كما تقوم بتنفيذ المشاريع الآتية:
١. مشاريع حفر الابار الجوفية.
٢. تجارب الانتاج والقياسات المائية واختيار الطلمبات.
٣. توريد وانزال وتركيب الطلمبات الغاطسة والسطحية.
٤. تصميم وتوريد وتركيب انظمة الطاقة الشمسية.
٥. عمل الخ

رائط الهيدرولوجية والنمذجة للحفائر والسدود الترابية.
٦. تصميم وتنفيذ شبكات المياه والصرف الصحي.
٧. تصميم وتنفيذ شبكات السباكة للمباني.
---
Pipeline Engineering is a specialized business in the field of water and sanitation which prepare and conduct hydrogeologic, hydrologic and environmental studies for all projects related to water, irrigation and environment. Drilling groundwater wells.
2. Pumping tests, hydrologic measurements and pumps selection.
3. Supply and install submersible and centrifugal pumps.
4. Design, supply and install solar systems for pumps.
5. Mapping, modelling and conducting of dams studies.
6. Design and implementation of water and sewers piped networks.
7. Design and implementation of buildings plumbing services.

27/03/2026

توريد وتركيب طلمبة غاطسة 7.5 حصان ونظام طاقة شمسية لتشغيل الطلمبة

10/03/2026

واحد من مشاريعنا السمحة القاعدين نفخر بيها دايما وابدا
استخدمنا فيها لتشغيل طلمبة سطحية 5.5 حصان 4 بوصة بمواصفات عالية:
طلمبة 5.5 حصان ايطالية اصلية ماركة بنتاكس ساحب ومخرج قطر 4 بوصة
14 لوح جينكو اصلي بسعة 590 واط للوح
انفيرتر فيتشي 5.5 كيلوواط
حامل قواعده من الكمر مقاس 12 سم ومواسير مربعة 4x8 سم سماكة 2.4 مم ومواسير 3x6 سم سماكة 2.4 مم
مع طلاء ضد الصدأ
كوابل AC هندية من اجود انواع الكوابل وكوابل اصلية لل DC
الصبة 30x30 بعمق 45سم جوا الارض

شغل نظيف يعجب

27/02/2026

تم بحمد الله تنفيذ توريد وتركيب طلمبة 5.5 حصان مع نظام طاقة شمسية كامل لتشغيل الطلمبة عبر السحب من بئر (مترة) لسقيا وري 5 فدان زراعي بولاية نهر النيل

24/02/2026

عملية نظافة البئر بالهواء (الكومبريسور) هذه العملية تساعد على اعادة رص حبيبات الخرسانة داخل البئر وطرد سائل الحفر واعادة تفتيح الخزانات الجوفية عبر الضغط العالي العكسي. لكن لهذه العملية محاذير واختيار الضغط المناسب حسب عمق البئر ونوع وسماكة مواسير التغليف وفتحات الفلاتر. لذلك يجب ان تتم هذه العملية باشراف هندسي بخبرة عالية.
ايضا يمكن ان تكون هذه العملية لاعادة تنشيط بئر قديم حيث تسمى في هذه الحالة باسم تنمية البئر.

22/02/2026

بحمد الله تم الانتهاء من تركيب منظومة طاقة شمسية لتشغيل طلمبة بقوة 10 حصان/ 7.5 كيلوواط
المكان: التضامن العبابدة، المتمة

20/02/2026

هل ممكن موية الصرف الصحي تتداخل مع المياه الجوفية؟
كتير من الناس سألوني السؤال دا، والاجابة هي نعم
التصريف العشوائي لمياه الصرف الصحي عن طريق ما يعرف بالسايفون ليه اثره وضرره المباشر على عيون مياه الشرب النقية داخل الارض
بير السايفون هي بير يتم حفرها لعمق سطحي حتى الوصول لاقرب خزان جوفي واللي يكون دائما في شكل طبقة ذات نفاذية عالية زي الرمل او الحصى..
بالتالي الطبقة دي بتبقى تغذيتها عبارة عن موية صرف صحي من مئات البيوت في المنطقة
الظاهرة دي دايما بتظهر في المدن لانو كل مدن السودان مافيها صرف صحي فالناس بتلجأ لآبار السايفون
لمن تجي تحفر بئر ماء جوفي بتمر اثناء حفرك بالخزان الجوفي حق السايفون لانه اول طبقة زي ما قلنا وبتتجاوزه للوصول للخزانات الجوفية
طبيعة البئر الجوفي انو الحفر عندو قطر معين والمواسير البتنزل جوا البير لحمايته من التهدم وفيها الفلاتر بتكون طبعا قطرها اقل من قطر البئر وبين المواسير دي وجدار البئر بننزل خرسانة ناعمة عشان تفلتر المياه الداخلة للبئر
البحصل انو موية الصرف الصحي بتجي من خزان السايفون الفوق دا ومن خلال الخرسانة بتنزل وتختلط بموية الشراب الخزانها موجود تحت
وبتظهر في صورة احياء دقيقة E-Coli واملاح متعددة ودا اثناء الفحص المعملي
كحل تفاديا للمشكلة دي في حاجة اسمها العزل الاسمنتي ودا بيتم عن طريق قياس معين بعد الحفر وانزال المواسير وتحديد عمق الطبقة المتغذية من السايفونات وبعدها يتم تحديد كمية الخرسانة بعناية وتجهيز خلطة اسمنتية معينة ومحددة وتنفيذها داخل البئر لكي تمنع طبقة السايفون من الاختلاط مع المياه النقية
وللعلم حفر ابار السايفون يعد جريمة ولها عقوبة بالسجن لمدة لا تتجاوز العام او الغرامة او العقوبتين معاً، ومصادرة ماكينة الحفر المستخدمة..
الحل الصحيح ينبغي للدولة تخطيط انظمة صرف صحي كبنية تحتية شاملة جميع المراحل من التجميع واعادة الضخ والتوصيل والمعالجة

18/02/2026

رمضان مبارك على الجميع

16/02/2026

يعني شنو تجربة انتاجية للبئر؟
الموية جوا الارض بتكون في شكل عيون نحن بنسميها الخزانات الجوفية Aquifers والخزانات دي عبارة عن طبقات ذات مسامية ونفاذية عالية.. يعني الموية بتمر خلالها بكل سهولة زي الرمل او حبيبات الخرسانة..
بمجرد ما يتم حفر بير وصولا للطبقات دي، الموية جوا بتكون مضغوطة وفجأة كدا مع فتحة البئر بيتفك الضغط فجأة ف بتطلع الموية في البئر لمستوى اعلى من مستوى الطبقة الهي فيها، المستوى البتطلع ليهو الموية وتثبت فيهو دا بنسميه المنسوب الثابت Static Water Level
اول ما تنزل طلمبة وتبدأ تشغل البئر بينخفض عندنا المنسوب دا لنقاط اعمق شوية لكن كلهم في الغالب بيكونو اعلى مستوى الطبقة الحاملة للمياه، والمنسوب الجديد دا بيكون متناسب مع الضخ بتاع الطلمبة للموية من الطبقة دي وبنسمي المنسوب دا بالمنسوب الديناميكي لانو متغير حسب الضخ Dynamic Water Level
الفرق بين المنسوبين بنسميه Draw down ودا بتناسب تناسب طردي مع كمية الضخ
عن طريق العلاقة دي ممكن نحن نحدد الانتاجية المناسبة في العمق المناسب وعن طريقها ممكن نبحث في الداتا شيت حقت الطلمبات عن الطلمبة البتناسب الاداء المطلوب
وحنعرف كيفية البحث دي في البوست القادم ان شاءالله

11/02/2026

الطلمبة الغاطسة بتتكون من مجموعات من المراوح او المراحل تسمى الواحدة بالريشة impeller ووظيفتها رفع الموية واعطاءها طاقة حركية kinematic energy عشان تقدر تطلع لحدي الارتفاع head المصمم للطلمبة.
بين كل ريشة وريشة عندنا ال diffuser ودا وظيفته يقلل الطاقة الحركية ويوجه الموية للريشة البعديها.
قطر الريشة وعدد المراحل دي هي الاساس في تحديد الارتفاع البتصل ليهو الموية وكميتها حسب الكاتلوج وكتير من الشركات بتعمل رقم الموديل مكون من قطر الريشة وعدد المراحل فنلقى مثلا موديل بالرقم 30/8 يعني ريشة قطر 30 مم وبعدد 8 مراحل او 46/5 يعني ريشة قطر 46 وبعدد 5 مراحل
كل ما زاد قطر الريشة زادت كمية الموية الناتجة وكلما زاد عدد المراحل زاد الارتفاع البتصل ليهو الموية.
طبعا بعد داك بمعلومية كثافة الموية ووزنها وسرعة الدوران وعدد الريش وكفاءة الطلمبة بتطلع عندنا القدرة المطلوبة سواء بالكيلوواط او بالحصان hp

10/02/2026

يا باشمهندس! هل استخدام الواح غير اصلية بيأثر على كفاءة منظومة الري؟
طبعا اكيد، المنظومة دي مالكها بيشتكي من ضعف في المياه الناتجة مع هيرتز لا يتجاوز 29 هيرتز في احسن الاحوال، الالواح المستخدمة هي الواح غير اصلية مفترض حسب الديباجة تنتج 44 فولت VOC وتتيح 11 امبير لتيار القصر Isc و10 امبير للتيار الاقصى.. بعد الاختبار وجدنا انتاج الالواح لل VOC مقارب للديباجة بينما انتاج الالواح لل Isc حوالي 3 - 4 امبير فقط وهو مخالف لما كتب بالديباجة وبالطبع بمعدل نزول سريع
الالواح غير الاصلية دائما ما يكون انتاج التيار فيها منخفضا لانه الخاصية الوحيدة التي لقياسها يجب توافر نوع معين من الاجهزة

06/02/2026

واحد من الاعطال الخبيثة جدا في كيبل الطلمبات والنوعية الرديئة بالذات
هو واحد من اهم مسببات عطل E.oc3 و E.oc1 في انفيرترات فيتشي
حدوث نقطة ساخنة في الكابل.. وما بتتعرف ظاهريا الا بعد بحث مضني
وممكن تخسر كيبل كامل بسبب انك ما قدرت تلقى النقطة الساخنة دي ف تضطر تشتري كيبل
وبالمناسبة في فحص المقاومة (الصفارة) ما بتظهر ليك ولا بيكون في تلامس او قيمة مقاومة لانو التلامس بحصل فعليا لحظة مرور التيار وتفعيل الفيض الكهروميغناطيسي

اليوم نجحنا في تحديد العطل وصيانته وتوفير تكلفة 900,000 قيمة شراء كيبل جديد للعميل

30/01/2026

ايضا محطة اخرى 15 حصان
28 لوح طاقة شمسية من JA Solar بقدرة 615 واط
ومحول ميكنو 11 كيلوواط

Address

3rd Floor, RCB Building, As-Sajjana
Khartoum
11111

Telephone

+249999991071

Website

http://www.pipelinesudan.com/

Alerts

Be the first to know and let us send you an email when Pipeline Engineering : بايبلاين الهندسية posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pipeline Engineering : بايبلاين الهندسية:

Shortcuts

Want your business to be the top-listed Home Improvement Business in Khartoum?