Esrãã Art

03/10/2024

برغم الإندراشة الأنا فيها😂لكن صراحة لفتني التحدي بتاع أنكتوبر دا ،هو تحدي غريب والكلمات المفروض ترسمي عنها أغرب😂💔،لكن حرفياً مجرد مابتمسكوا القلم بتخليكم تشطحوا في الخيال بطريقة ماطبيعية💜💜.
أنا واحدة من الناس غالباَ برسم من التلفون فخيالي دا ماحصل ختيتو تحت الإختبار نهاي لكن الليلة أنبسطت وأطمنت أنو عندي خيال أصلاً😂✌💚.

17/05/2023

إنجازات ابريل 💚💚💚

12/05/2023

كيفكم ياحلوين إن شاء الله بخير 🤗💜. في خضم الأحداث الحاصلة في البلد دي لسى متفائلة أنو كلو شدة وحاتزول ،ومن خلال الأحداث دي أنعكست لي طيبة السودانين بالجد نحن شعب كدا على نياتو 💚. شعب بسيط وصراحة ماوطنية زيادة بس بالجد بفتخر شديد أني ضمن الشعب دا 😍✌. البلد شبه واقفة فالناس تتفقد بعض لو عندك حق اليوم بس، أتقسموا مع جارك الماعندو وماتنسي فوقك رب كريم قادر على كل شئ برزقك من حيث لاتدري ولاتحتسب . والناس المتذمرة من الجامعات ومستقبلهم الواقف . بقول ليك عاين للجانب المليان من الكوب الفترة دي ممكن تكون نقطة تحول بالنسبة ليك أنت حاليا متفرغ تماما أنو تطور نفسك من كل النواحي وإنقطاع النت فرصة أنك تحاول تتعافى من إدمان مواقع التواصل وعندك الفرصة الأكبر أنو تقعد مع نفسك وتتصالح معاها.والمتزوجين وعندهم أسر عندك الفرصة تقعد مع أهلك الطول عمرك مشغول عنهم ،المعضلة مافي الظروف المعضلة في منظوراتنا الفكرية البتخلينا نتشائم من الأحداث وأنك سوداني و..........كلام كتير بعاتبك عليهو كمواطن سوداني 💔. بكرا تنتهي الحرب ونرجع نعمر سودانا من الأول وأبقى كلو الفات حكاية ونحكي لي أولادنا السمر عن الحرب الصنعت سودان أجمل☺💚💚.

26/03/2023

if you don't grow you will die . جملة خلتني أراجع حساباتي من أول وجديد ،أنا أخر مرة رسمت قبل شهر تقريبا ماإنعدام شغف والله بس كنت مفتكرة أني ماعندي زمن 💔.أي كنت مفتكرة لأنو ماف حاجة أسمها ماعندي زمن. صاح عندي جامعة نظامها ضاغط ومجال قرايتو كتيرة وساكنة داخلية يعني عندي مسوؤليات جانبية بي دا كلو ماعذر للتأجيل بتاعي أنا لو أنتظرت الفرصة عمري ماحاأنجز 😐. شباب أي زول فيكم شايف نفسو ماعندو زمن أراجع.
حساباتو لأنو في ناس من عمرك حصلو وحققو جزء من أهدافهم وأنت لسى قاعد منتظر الفرصة بقول ليك لو جدولك ضاغط زيد مهام زيادة لي جدولك وأضغط نفسك أكتر لأنو النجاح بجي بالطريقة دي مافي حاجة ساهلة بس في حاجات بتستاهل نتعب عشانها💜. رسمتي ماطولت فيها كتير رسمتها في أقل من ساعة كانت مليانة حماس😅وإن شاء الله مواصلة في التطور إلى أن أصل وشكرا لأي زول سأل من غيابي 🌹بالجد أنا يوم لو وصلت خليكم عارفيين أنكم جزء كبيييير من النجاح دا دمتم طيبين أينما كنتم🤗🌹. #تحدي-الرجوع. #قوم أمشي أرسم

01/01/2023

كانت سنة مليانة إنجازات ختمتها بإنجاز خلاني أنوم مبسوطة😂😂رسمت ولأول مرة بطريقة المربعات💃💃وإن شاء الله عام قادم سعيد على الجميع 💜💜💜💜.

18/12/2022

كل مرة برسم بحس بي نفسي أتحسنت وبشوف الرسمة دي أحسن من الفاتت وبالجد الشعور دا بخليك مبسوط من نفسك أنك ماشي في طريق النجاح.صراحة الشهر دا بالذات أكتر شهر أتطورتوا فيهو وأشتغلت على نفسي وإن شاء الله مواصلة إلى أن أعبر✌💚.أنا كل مرة بنزل الرسمة والأصل عشان بعدين أرجع ليها وأرسمها من جديد ونعمل مقارنة بين إسراء الماضي والمستقبل دا حاأكون دافع لي أي مبتدئ محتاج للدعم أكتر من أي حاجة تانية.

12/12/2022

أول شهادة لي في مشوار الرسم وإن شاء الله ماأخر شهادة 💚✌،شكرا كوتش أمل عثمان ليك التحية والتقدير🌹🌹🌹 ودمتي بخير أينما تذهبين💜💜💜💜

الفنانة إسراء محمد 🌼
من اكتر الطلاب الكانو عايزين يصلو لحلمهم ويكونو فنانين محترفين كان كلها حماس واجتهاد واليوم بالجد وصلت للحاجه العايزها والحمدلله كنت قدر ثقتكم ❤وتستاهلي الشهاده مزيد من التقدم والنجاح ❤🌼

ريشه أمل 🖌

09/12/2022

الرسمة والأصل دمنا نكافح لنصل ✌💚💚

08/12/2022

ومواصلين لنعبر💚💚💚✌

05/12/2022

هدف الصفحة أني أوثق بداياتي لي طريق الإحتراف ،عشان كل مبتدء بعدين أديهوا دعم وأمل للوصول لمن أشوف كنت وين وحأكون وين إن شاء الله💚بتمنى تكون الصفحة عالمي الخاص البلقى فيها ناس بتشاركني إهتماماتي💜وندعم بعض لنوصل الفن بطريقة مختلفة 😍مرحب بكل فنان في صفحتي مروركم يسعدني ودعمكم بسهل علي الطريق😊

05/12/2022

أول بورتيه لي بالحبر وغدا سنقول لم يكن الأمر سهلا ولكننا فعلناها✌✌✌الرسمة والأصل أرائكم تهمني😁.

05/12/2022

الرسمة والأصل 😍