12/01/2025
السلام عليكم ورحمة الله
في موضوع خطير جدًا لازم الناس تنتبه ليهو شديد، وياريت الناس تشارك المعلومة عشان الفائدة تعم.
الموضوع ده حصل لي واحد من أسرى الجيش ، كان في الحالة دي وبدوا يأكلوه طوالي، ودي مشكلة كبيرة جدًا لأنها ممكن تسبب ليهو متلازمة إعادة التغذية (Refeeding Syndrome).
الحالة دي خطيرة جدًا وممكن تؤدي للموت لو ما اتعاملوا معاها بطريقة صحيحة. بتحصل لما يتم إدخال الأكل فجأة لي زول كان صايم فترة طويلة أو عنده سوء تغذية شديد. لما يأكل كمية كبيرة مباشرة، الجسم بيزيد إفراز الأنسولين بشكل كبير، وده بخلي العناصر المهمة زي البوتاسيوم، الفوسفات، والمغنيسيوم يدخلوا الخلايا بسرعة شديدة، وبيقل مستواهم في الدم.
النقص ده بيسبب مشاكل خطيرة زي ضعف القلب، فشل التنفس، أو حتى الموت. عشان كده أي زول في الحالة دي محتاج إشراف طبي دقيق، وما يأكل بسرعة كبيرة، لازم تكون التغذية بالتدريج.
ابدأ التغذية بحذر شديد:
الأفضل يكون الأكل عن طريق الفم أو التغذية الأنبوبية (عن طريق المعدة).
ابدأ بـ 10-20 كيلو كالوري لكل كيلو جرام في اليوم
زِيد الكمية بشكل تدريجي خلال 4-7 أيام
تجنب الإفراط في السوائل: لأنو ممكن يزيد مشاكل البوتاسيوم، الفوسفات، والمغنيسيوم وتحرك السوائل في الجسم.
راقب توازن السوائل بعناية
متابعة وتعويض البوتاسيوم، الفوسفات، والمغنيسيوم :
الفوسفات: لو عندو نقص، عالجو بسرعة باستخدام مكملات الفوسفات عبر الوريد أو بالفم.
البوتاسيوم: لو ناقص، زيدو باستخدام البوتاسيوم عبر الوريد أو بالفم حسب الحالة.
المغنيسيوم: لو ناقص، عالجو بأملاح المغنيسيوم سواء بالوريد أو بالفم.
إعطاء الثيامين (فيتامين B1):
أدِّ الثيامين بجرعة 100-200 ملجم يوميًا قبل وأثناء التغذية.
كمان أدِّ مكملات فيتامين B-Complex وفيتامينات متعددة لدعم العلاج.
منقول
