14/12/2022
هذا المنشور لكل صحابي الي عل الفايس بوك من مواطنين مش في دومان الهندسة المعمارية ، منهم ولاد بلادي ، الي قراو معاي في الlycée , جيراني، وكل واحد موجود في صفختي ومايعرفش المعلومات الي باش نقولهم بعد المقدمة هذي :
ثمة زوز نقاط أساسية :
🟡الوحيد الي قادر أنو يخدم مثال هندسة معمارية un plan d'architecture ، هو المهندس المعماري كهو , لا مهندس مدني ولا مزوق décorateur يسمي في روحو مهندس معماري داخلي ولا أي شخص آخر .
الي باش يعمل رخصة بناء يرجع لليستة الي مهبطتها هيئة المهندسيين المعماريين في البلاد التونسية l'ordre des architectes de Tunisie وهذا الرابط متع صفحة الهيئة على الفايس بوك :
https://www.facebook.com/www.oat.com.tn?mibextid=ZbWKwL
وهذا رابط الليستة الي فيها أسامي المهندسين المعماريين المنتصبين للقطاع الخاص والي مسجلين في جدول الهيأة ، عندهم cachet مستعرف بيه و مسموحلهم يخدمو ، وهذا من باب حفظ حقوق المواطن زادة لأنو هذا يخلي المهندس المعماري يتحمل مسؤولية كاملة على الخدمات الي يقدمها :
https://oat-portail.com/listearchitecte.php
🟡يتسمى انتحال صفة مهندس معماري أي شخص مش مهندس ، مش مرسم في جدول هيئة المهندسين المعماريين التونسيين ، و يقوم بخدمات من مهام المهندس المعماري فعليا ، أو يوحي بذلك لفظيا أو على وساءل التواصل الاجتماعي ، وانتحال الصفة لو يثبت يقع تتبعه عدليا ويعاقب عليه القانون التونسي ، لأنو ثمة مسؤوليات جزاءية في الdéantologie تع خدمتنا .
في الفصل 47 من القانون المنظم لمهنة الهندسة المعمارية ثمة :
Art. 7 de la Loi 74 : l'usurpation du titre d'Architecte (انتحال صفة) est punie des peines prévues à l'article 159 du Code pénal, cad 2ans d'emprisonnement et 240 dinars d'amende. Le cas de 6 mois d'emprisonnement c'est pour l'exervice illégal de la profession (Art. 6 de la loi 74)..
( انتحال صفة مهندس معماري يعاقب عليه القانون حسب الفصل 159 من القانون الجزاءي ، بعامين سجن و 240 دينار خطية مالية ، أو ب 06 أشهر سجن و ممارسة المهنة بطريقة غير شرعية ( فصل 06 من القانون 74 المنظم للمهنة)
