04/03/2026
كسكسي بالعلوش ليلة النصف من رمضان ❤️ ان شاءالله كل عام و انتم حيين بخير
* لحم علوش (خروف) مقطع قطعاً كبيرة.
* كسكسي (متوسط أو رقيق حسب الرغبة).
* خضرة: بصل، جزر (سفنارية)،قرع أحمر، بطاطا، وفلفل أخضر،حمص منفخ.
* الصلصة:طماطم معجون ، فلفل أحمر (هريسة عربي)، زيت زيتون، كركم، ملح وفلفل أسود
🥣 طريقة التحضير (خطوة بخطوة):
1. تحضير الصلصة (المرق): في طنجرة الكسكسي (المقفول)، قلي اللحم مع البصل وزيت الزيتون، و بعد زيد الطماطم، الهريسة العربي والتوابل. امرق بالماء السخون و بعد زيد الحمص والجزر
2. تحضير الكسكسي: بل الكسكسي بشوية الماء والزيت والملح، وخليه يتشرب شوية.
3. الطهي بالبخار:صب الكسكسي في (الكسكاس) فوق المقفول باش يطيب على بخار المرق لمدة 20 دقيقة تقريباً. بعد نهزوه.
4. إضافة باقي الخضار: كيف اللحم قريب يطيب، كمل حط البطاطا والقرع الأحمر والفلفل الأخضر في المرق
5. التفويرة الثانية: جيب الكسكسي ورشه بشوية مرق و بعد رجعو للكسكاس مرة ثانية باش يكمل يطيب.
6. التقديم: اسقِ الكسكسي بالمرق تدريجياً حتى يتشرب، و بعد زينه باللحم و الخضرة، و الفلفل المقلي.
