03/06/2026
Compatilha ês post ku un amigo, joven ou familiar cabu-verdianu ki sta pensa na cumprá casa! pês podê Conxê, planejá e Executá!
1. Komensa ku konstruí bu kreditu
Antis di tudu, antis bu djôbê casa ou kualquer ôtu cuza, bu ten ki trabadjá na bu kreditu. Maioria di banku ta pidi 620 ou mas, ma 700 ô mas bu juru ê midjôr.
Paga bus kontas na tempu, diminuí dívidas y si bu tem dívidas di kartão di kreditu por algun razão, pagal primeru y ka bu abrí mas conta novu. Muitu IMPORTANTI TAMBÉM: ka bu fitchá contas ki dja bu abriba. Hora ki bu tenê conta abertu mas sem divida na el, banku ta odjabu ku bom ôdju! Tchêu alguém ta fazé kel erru li (pamodi ês ka ten conhevimentu dês fato).
2. Djuntá dinheru pa entrada
Normalmente bu ta paga mas ô menus 3% tê 25 % di entrada: tudu ta dipendê di ki empréstimu bu sta fazê, bu pontuação di kreditu, kantu bu sta da di entrada, e si bu sta cumprá casa komu bu primeru-moradia ou pa investimentu.
Exemplu:
Casa: $500,000
3.5% entrada = $17,500
3. Djuntá dinheru pa custos di fechamento
Custos di fechamentu ta fika 2% ti 5% di preço di casa (dependendu di situação)
El ta inklui alguns cuza:
• taxa di banku
• advogadu
• seguru di título
• impostu
• seguru di casa y etc…
Exemplu apenas:
Casa $500,000. Custos pode ser $10,000 ti $25,000
4. Djuntá reserva di emergênsia
Banku ta gosta di odja si bu tenê di 3 ti 6 mês di poupança dipos di cómpra di casa.
Issu ta mostrá ki bu ta konsigui pagá hipotéca si algun problema kontisê.
5. Fazê bu pré-aprovação ku banku
Recomendável fazé pelo menus ku dôz ô trêz banku pamodi kada un ten cês forma di aprovação e kada un tem cês termu.
Antis di bu procurá pa casa, fazê bu pre-aprovação di hipotéca pá bu sabê kalê kê bu puder de kómpra mas ô menus.
Issu ta mostra ki:
• bo é un comprador sériu
• kuantu banku sta emprestabu
6. Kontratá un Agenti imobiliário, honestu, transparenti, capacitadu, e di bon reputação:
Un bon agenti ta djudabu:
• Procurá casa
• negosia preço
• komprendê cê merkadu kel tá atuá
• protejé BUS interessi y não somenti sta preocupadu ku cê bolsu ou cê empresa.
Nota: Na Massachusetts, normalmenti vendedor é ki ta paga comissão di Agenti.
7. Komensa procurá casa
Odjá ku cuidado pa aspetus komu:
• vizinhança (localização, localização y localização).
• skola
• tempu di viagem pa trabadju
• impostu di propriedade
• valor di revenda na futuro
8. Fazê un oferta
Kuandu bu atchá casa sertu, ki ta kêbê na bu bolsu, bu Agenti ta manda oferta pá bó e el ta tuma conta di kel processo lá pá bó.
Oferta ta inklui alguns cuzas:
• preço
• depositu
• condições (inspeção, financiamento) etc…
Vendedor pode:
• aceita
• rejeita
• ou fazi contra-oferta
9. Inspeção di casa y aprovação final di banku
Dipos ki oferta foi aceito
Bu ta:
• fazê inspeção di casa
• finaliza empréstimo
• manda documentos pa banku
Banku també ta fazê avaliação di valor di casa, (appraisal).
10. Fechamentu di cómpra di casa (Closing)!
Na dia di fechamentu bu ta:
• assina documento legal
• paga custos final
• Recêbê tchábi di casa
Parabens!!! Bó é donu di bo casa!
Di Un Donu Di Casa Pa Ôtu Donu Di casa 🇺🇸🇨🇻🏠
