Shaxarsozlik_liti

Home
Uzbekistan
Tashkent
Shaxarsozlik_liti

O`zshaharsozlik LITI DUK

30/12/2025

Bugun “O‘zshaharsozlik LITI” DMda Yangi yil bayram tadbiri bo‘lib o‘tdi. Tadbirda muassasa Bosh direktori Bobir Elmuradov so‘zga chiqib, jamoani kirib kelayotgan Yangi yil bilan muborakbod etdi.

Shuningdek, tadbir davomida joriy yil yakunlari sarhisob qilinib, yil davomida amalga oshirilgan ishlar hamda erishilgan natijalar haqida atroflicha ma’lumot berildi.

💐Bayram tadbiri doirasida o‘zining namunali mehnati, mas’uliyatli yondashuvi va yuksak tajribasi bilan muassasa faoliyatiga munosib hissa qo‘shgan xodimlar Kasaba uyushmasi qo‘mitasi raisi hamda muassasa rahbariyati tomonidan tashakkurnomalar va esdalik sovg‘alari bilan taqdirlandilar.

✨Shu bilan birga, muassasada uzoq yillar samarali mehnat qilgan faxriy xodimlarning institut ravnaqiga qo‘shgan munosib hissalari e’tirof etilib, ularga Yangi yil sovg‘alari topshirildi.

27/12/2025

26.12.2025 sanasida muassasamiz binosida Respublika Arxitektura va shaharsozlik kengashining navbatdagi yig’ilishi bo’lib o’tdi. Bunda “O’zshaharsozlik LITI” davlat muassasasi mutaxassislari tomonidan ishlab chiqilgan quyidagi shahar va shaharchalarning bosh reja va batafsil rejalashtirish loyihalari muhokama qilindi:

1. Surxondaryo viloyati, Muzrabot tumani Xalqobod shaharchasi;
2. Surxondaryo viloyati, Oltinsoy tumani Karluk shaharchasi;
3. Surxondaryo viloyati, Termiz tumani Uchqizil shaharchasi;
4. Surxondaryo viloyati, Angor tumani Angor shaharchasi;
5. Surxondaryo viloyati, Boysun tumani Boysun shahri;
6. Surxondaryo viloyati, Qumqo‘rg‘on tumani Qumqo‘rg‘on shahri;
7. Surxondaryo viloyati, Jarqo‘rg‘on tumani Jarqo‘rg‘on shahri;
8. Surxondaryo viloyati, Bandixon tumani Bandixon shaharchasi;
9. Surxondaryo viloyati, Sherobod tumani Sherobod shahri;
10. Samarqand viloyati, Bulung‘ur tumani Bulung‘ur shaharchasi.

08/12/2025

🎉 8-dekabr – O‘zbekiston Respublikasi Konstitutsiyasi kuni!

Bugun yurtimiz taraqqiyoti va xalqimiz farovonligining mustahkam huquqiy poydevori sanalgan qomusimiz – O‘zbekiston Respublikasi Konstitutsiyasining 33 yilligini nishonlamoqdamiz.

Konstitutsiya – bu nafaqat asosiy qonun, balki jamiyatimizning taraqqiyot yo‘lini belgilab bergan, inson huquq va erkinliklarini oliy qadriyat sifatida e’tirof etgan tarixiy hujjatdir.

“O’zshaharsozlik LITI” DM jamoasi ushbu qutlug‘ sana bilan barchangizni chin yurakdan tabriklaydi!
Yurtimizda qonun ustuvorligi mustahkamlanib, adolat, taraqqiyot va bunyodkorlik yo‘lidagi ishlarda bardavom bo‘lishingizni tilaymiz.

🕊️ Yurtimiz tinch, osmonimiz musaffo, kelajagimiz porloq bo‘lsin!
🇺🇿 Konstitutsiyamiz bizni birlikka, mehnatsevarlikka va yurtga sadoqat bilan xizmat qilishga chorlaydi.

Konstitutsiya kuni barchamizga muborak bo‘lsin!

23/10/2025

Oldin va hozir: obodonlashtirishning amaliy natijasi 🌿

“O‘zshaharsozlik LITI” DM hududida olib borilgan obodonlashtirish va ko‘kalamzorlashtirish ishlari o‘zining ijobiy natijasini bermoqda. Avvalgi holat bilan hozirgi manzarani solishtirar ekanmiz, amalga oshirilgan mehnat va sa’y-harakatlar yaqqol ko‘zga tashlanadi.

🌱 Muassasamizda yashil hududlar barpo etilib, chiroyli va qulay muhitga aylantirildi.

🟢 Atrof-muhitni asrash, uni obod va yashil qilish har birimizning vazifamizdir!

21/10/2025

21-oktabr – O‘zbek tili bayrami kuni

📣 Hurmatli yurtdoshlar!

Sizlarni xalqimizning bebaho ma’naviy boyligi, milliy iftixori bo‘lgan — ona tilimizga davlat tili maqomi berilganining 36 yilligi, 21-oktabr – O‘zbek tili bayrami munosabati bilan chin yurakdan samimiy muborakbod etaman!

Ona tilimiz – milliy qadriyatlarimizning asosi, xalqimizning ma’naviy tayanchi va g‘ururidir. Bugun har birimiz o‘zbek tilini sevish, uni ardoqlash va rivojlantirish yo‘lida mas’ul ekanimizni chuqur his etishimiz lozim.

Til bayrami barchamizga muborak bo‘lsin!

“Oʻzshaharsozlik LITI” DM Bosh direktori B.Elmuradov

Rasmiy sahifalarimizga a’zo bo’ling👇

31/08/2025

Mustaqillik bayrami muborak bo’lsin, aziz yurtdoshlar!

29/08/2025

📍 “Oʻzshaharsozlik LITI” DMda Oʻzbekiston Respublikasi mustaqilligining 34-yilligi munosabati bilan “Vatan uchun, Millat uchun, Xalq uchun” shiori ostida bayram tadbiri boʻlib oʻtdi. Tadbirda soʻzga chiqqan muassasa Bosh direktori B.Elmuradov barcha ishtirokchilarni ushbu qutlugʻ sana bilan samimiy muborakbod etdi.

🔹 Tadbir davomida tashabbuskor va fidoyi xodimlarga tashakkurnomalar topshirildi.
🔹 Uzoq yillar mehnat qilgan, bilim va tajribasi bilan yoshlarga o‘rnak bo‘lib kelayotgan ustozlar faxriy e’tirofga sazovor bo‘lishdi hamda ularga tashakkurnoma va esdalik sovg‘alari taqdim etildi.
🔹 Farzandi ilk bor maktabga qadam qo‘yayotgan xodimlarimiz bolajonlariga esa o‘quv qurollari topshirilib, bayramga o‘zgacha shukuh bag‘ishlandi.

Ushbu bayram tadbiri jamoamiz birligini, ustoz-shogird an’analariga sadoqatni va kelajakka bo‘lgan ishonchni yana bir bor namoyon etdi.

21/08/2025

Kuni kecha, “O‘zshaharsozlik LITI” davlat muassasasida Respublika arxitektura va shaharsozlik kengashining navbatdagi yig‘ilishi bo‘lib o‘tdi. Yig‘ilish davomida mutaxassislarimiz tomonidan ishlab chiqilgan bir qator shaharchalarning bosh reja va batafsil rejalashtirish loyihalari kengash a’zolari ishtirokida muhokama qilindi.

🗺 Muhokamaga quyidagi shahar va shaharchalarning loyihalari taqdim etildi:

🔹 Qoraqalpog‘iston Respublikasi, Beruniy tumani – Beruniy shahri
🔹 Buxoro viloyati, Romitan tumani – Romitan shahri
🔹 Buxoro viloyati, Peshku tumani – Mallai Mirishkor shaharchasi
🔹 Qashqadaryo viloyati, Kitob tumani – Kitob shahri
🔹 Navoiy viloyati – Zarafshon shahri
🔹 Andijon viloyati, Marxamat tumani – Paxtakor (Xakka) shaharchasi
🔹 Farg‘ona viloyati – Marg‘ilon shahri
🔹 Farg‘ona viloyati, Furqat tumani – Navbahor shaharchasi
🔹 Toshkent viloyati, Oqqo‘rg‘on tumani – Xamzaobod shaharchasi
🔹 Toshkent viloyati, Ohangaron tumani – Yonariq shaharchasi
🔹 Toshkent viloyati, Ohangaron tumani – Eyvalek shaharchasi

📐 Yig‘ilish davomida mutaxassislar tomonidan loyihalarning hududiy rivojlanish, infratuzilma, ekologik xavfsizlik va arxitektura jihatlari har tomonlama ko‘rib chiqildi.

🏙 Yurtimizning shaharsozlik sohasida olib borilayotgan keng ko‘lamli islohotlar davom etmoqda va har bir loyiha xalqimiz farovonligi yo‘lida muhim qadam bo‘lib xizmat qiladi.

18/08/2025

“YURT FAXRI” Nominatsiyasi G’olibi! 🏅

“O‘zshaharsozlik LITI” DM Xodimlar bilan ishlash bo‘limi boshlig‘i Rasulmatova Nigora Xusanovna, “SCIENTIFIC PUBLICATION” ilmiy matbuot markazi tomonidan tashkil etilgan xalqaro tanlovda faxrli o’rinni egallab, “Yurt faxri” nominatsiyasi g‘olibi deb topildi!

🔹 “Tashkilotlardagi korrupsiyaga olib keladigan vaziyat va omillarni tubdan isloh qilish, ularni bartaraf etish” mavzusida tayyorlangan ilmiy maqola bugungi k***a dolzarbligi va ahamiyatga egaligi bilan e’tirofga sazovor bo‘ldi.

Ushbu erishilgan yutuq nafaqat shaxsiy muvaffaqiyat, balki butun jamoamiz uchun ham faxr tuyg’ularini uyg’otmoqda.

📚 Rasulmatova Nigora Xusanovnaga Ilm-fan, taraqqiyot yo‘lidagi fidokorona mehnatlari bardavom bo‘lishini tilab qolamiz!

12/08/2025

🟢“O‘zshaharsozlik LITI” DMda yoshlar o‘rtasida sport musobaqalari o‘tkazilmoqda.

“O’zshaharsozlik LITI” davlat muassasasida yoshlarning bo’sh vaqtlarini mazmunli o’tkazishda hamda sog‘lom turmush tarzini targ‘ib qilish maqsadida, sport musobaqalari tashkil etildi.

Bunda mutaxassislarimiz sportning shaxmat va stol tennisi turlari bo‘yicha o’z bilim va mahoratlarini namayon etib o’zaro bellashmoqdalar.

Mazkur sport tadbirlari yoshlar o’rtasida sog‘lom raqobat muhitini yaratish, jismoniy va intellektual salohiyatni oshirishga xizmat qiladi.

Address

Navoiy Ko`chasi
Tashkent
100011

Telephone

+998933927227

Website

http://www.shaharsozlik.uz/

Alerts

Be the first to know and let us send you an email when Shaxarsozlik_liti posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shaxarsozlik_liti:

Shortcuts

Want your business to be the top-listed Home Improvement Business in Tashkent?