18/08/2025
Wenk vir die dag...
SOS VIR GRASPERKE...
Hierdie is 'n ideale tyd om jou grasperk reg te kry vir somer.
- Sny jou grasperk kort om dooie mat af te kry en dooie gras op te tel.
NIE LM GRASPERKE NIE
- Gooi jou grasperk nou baie goed nat. Onthou Kikuju vereis ongeveer 25mm
Water per week en LM 30mm.
Vroeg oggend is altyd beter en gee meer water, minder gereeld, as elke dag of tweede dag 'n bietjie.
- Indien daar oop kolle is en baie vas getrapte dele, maak liggies los met 'n vurk.
- Gee jou grasperk nou 'n algemene voeding soos 2.3.2 of 'n organiese bemestingstof soos ProTek se Guano korrels, Guanoboost of Gromor.
(JY WIL NOU EERS DIE WORTELS VOED)
- Gooi weer goed nat en kom in 'n water gee roetine.
- Kyk vir enige insek aktiwiteit en behandel daarvolgens, ek verkies 'n "ligter" gif soos Karbadust.
ONTHOU - Hierdie is nie 'n eenmalige behandeling nie, jy moet dit gereeld doen as jy aktiwiteit sien.
PROBEER GIF VERMY.
- Indien jou gras ongelyk is kan jy nou 'n bolaag gooi, ek hou van Culterra se produk.
BOLAAG IS NIE ELKE JAAR NODIG NIE, INDIEN JOU GRAS GELYK IS, IS BOLAAG NET 'N AKSIE OM JOU GROND TE VOED.
( LM grasperke kry nie 'n bolaag nie)
- Jy kan jou grasperk, veral LM, elke maand met 'n organiese bemestingstof voed.
- Indien jy korrels kunsmis gebruik, kan jy dit elke twee maande gooi.
Geniet julle tuine!
