Vision Landscaping Services

27/08/2026

සමනල් මල් ගස
Clitoria arborea — Butterfly Pea Tree 🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️🧚‍♀️

සමහර ශාක අපි උයනක සිටුවන්නේ මල්වල ලස්සන නිසාය.
තවත් සමහර ශාක ටිකෙන් ටික අපේ ජීවිතයේ කොටසක් බවට පත්වෙයි.
සමනල් මල් ගස එවැනි ශාකයකි.

Clitoria arborea යනු Fabaceae හෙවත් රනිල කුලයට අයත්, දකුණු ඇමරිකාවේ නිවර්තන කලාපයට නිජබිම වූ දැවමය ශාකයකි. සාමාන්‍යයෙන් Butterfly Pea ලෙස හඳුන්වන Clitoria ternatea වැලක් වැනි වුවත්, Clitoria arborea ගසක් ලෙස වර්ධනය වීම නිසා එයටම ආවේණික වූ භූ දර්ශන වටිනාකමක් ඇත.

එකම Clitoria ගණයට අයත් වුවත් මේ දෙක එකම ශාක නොවේ. ඒ නිසා Butterfly Pea Tree යන පොදු නාමයට වඩා Clitoria arborea යන විද්‍යාත්මක නාමය මතකයේ තබාගැනීම වැදගත්ය.

මෙම සපුෂ්ප ශාකය දුටුමතින් කාගේත් අවධානය යන්නේ එහි මල්වලටය. නමුත් කාලයත් සමඟ එහි සැබෑ සුන්දරත්වය මල්වලට වඩා විශාල දෙයක් බවක්‌ ඇති බව තේරුම් ගනීවි .

එහි අතු පතර ඉහළටත් දෙපසටත් විහිදී යමින්, අවසානයේ විශාල කුඩයක වියනක් හෝ නිවසක පියස්සක් මෙන් ඉහළින් පැතිරෙයි.

ඒ නිසා ගස යට සිටින විට දැනෙන්නේ හුදෙක් ගසක් යට සිටිනවාට වඩා, ස්වභාවයෙන්ම නිර්මාණය වූපියැසි සෙවණක් යට සිටිනවා වැනි හැඟීමකි.

සශ්‍රීක කොළ අතරින් මල් පොකුරු මතු වන විට, එහි අලංකාරය එක මලක නොව මුළු ගසේම හැඩය තුළ පෙනෙන්නට පටන් ගනී.
තවත් විශේෂත්වයක් වන්නේ එහි මල් දැකිය හැකි කාලයයි. මගේ අත්දැකීම අනුව, වසරේ මාස හයක් හෝ හතක් පමණ දිගු කාලයක් පුරා මෙහි මල් හටගැනීම සිදුවේ. ඒ නිසා මෙය කෙටි කාලයක් මල් පෙන්වා නැවත නිහඬ වන ශාකයක් නොව, අවුරුද්දේ සැලකිය යුතු කාලයක් පුරා උයනේ වර්ණය හා ජීවය පවත්වාගෙන යන ශාකයකි.එහි පවතින ආකර්ෂනීය දම් පැහැය නිසා ත් එරබදු කුලයට නෑ කම් කියන නිසාත් "දම් එරබදු " ලෙස දවිතා වනු අසා ඇත.

මෙහි තවත් අපූරු දෙයක් මම වසර තුනකට ආසන්න කාලයක් තිස්සේ අත් දකිමින් සිටිමි.
මෙහි මල් පිපෙන විට පමණක් ජීවමාන වන ගසක් නොවේ. එය දවස පුරාම කතා කරන ගසකි.පොල්කිච්චන්, මයිනන්,පැණි කුරුල්ලන්,කොණ්ඩ කුරුල්ලන් වැනි විවිධ පාක්ෂින් මෙන්ම ලේණුන්, බතකූරන්, සමනලයින්, මීමස්සන් ඇතුළු විවිධ සතුන් එහි අතු පතර අතරට පැමිණෙති. උදේ සිට සවස් වන තුරුම ඔවුන්ගේ කෑගැසීම්, හඬවල් සහ එහා මෙහා යාම් නිසා ගස නිතරම ජීවයෙන් පිරී තිබේ.
සමහර වෙලාවකට ඔවුන් එකිනෙකා සමඟ කෑකෝ ගසන ආකාරය බලන විට, මේ ගසේ අයිතිය කාටදැයි තීරණය කරගන්න ඔවුන් අතර යුද්ධයක් යනවා වැනිය.
ඒත් ඒ “යුද්ධය” ඇතුළේම ගසක සැබෑ වටිනාකමක් තිබේ.එය තනිව ලස්සනට සිටින ශාකයක් පමණක් නොව, තවත් ජීවීන්ට නවාතැන් ගන්න, විවේක ගන්න, ආහාර සොයන්න සහ එකිනෙකා හමුවන්න අවකාශයක් බවට පත්වී තිබේ.

එතැනදී උද්‍යානයක් යනු අපි බලන සුන්දර දර්ශනයක් පමණක් නොවන බව කල්යත්ම වැටහේවි.අපි නොදකින ජීවිත ගණනාවක් එහි ඇතුළත ජීවත් වෙමින් සිටී.
එහෙත් මෙවැනි ගසක් භූ දර්ශනයකට එක් කිරීමේදී එහි අලංකාරය පමණක් නොව, වර්ධනයට අවශ්‍ය පරිසරය පිළිබඳවද අවධානය යොමු කළ යුතුය.
විශේෂයෙන් හොඳින් ජලය බැස යන පසක් මෙවැනි ශාකයකට සුදුසුය. ජලය දිගු වේලාවක් රැඳී නොසිට, අතිරික්ත ජලය පහසුවෙන් ඉවත් වන පරිසරයක් තිබීම වැදගත්ය. එබැවින් landscape design එකකදී මෙය සිටුවන ස්ථානය තෝරාගැනීමේදී පසෙහි ජලවහනය පිළිබඳවද සැලකිලිමත් වීම අවශ්‍ය වේ.

මේ ගස සමඟ මට ඇති වඩාත්ම සුන්දර අත්දැකීම නම් උදෑසනයි.
උදේ දොර අරින විට, ගසේ තද දම් පැහැති ඒ මායාකාර මල් පොකුරු අතරින් එන සුගන්ධය නිවස ඇතුළට සෙමින් පැමිණෙයි.
මල්වල දම් පැහැය උදෑසන ආලෝකයත් සමඟ තවත් මෘදු ව ඒ අතරින් පක්ෂීන්ගේ හඬ එක්ව අතු පතර අතරින් හමන සුළඟ මල්වල සුවඳ නිවසට දෝතින්ම ගෙන ඇතුළු වෙයි.ඒ සොදුරු අත්දැකීම.,
ගසක් කියන්නේ ගෙවත්තේ සිටුවා ඇති තවත් දෙයක් පමණක් නොවන බව අපට කියා දෙයි.හගවයි.එය නිවස සමඟ ජීවත් වන තවත් ජීවියෙකු බවට පත්වෙයි.

භූ දර්ශන නිර්මාණයකදී Clitoria arborea වැනි ගසක් විශේෂ අවධානයක් ලබාදිය හැකි අවකාශය මානව ආවරණය කරන එකක් හෝ උද්‍යාන වපසරිය තුළ කේන්ද්‍රීය ශාකයක් ලෙස භාවිත කළ හැක.

එහි අතු පතර විහිදෙන ආකාරය, පත්‍ර පද්ධතිය සහ දම් පැහැති මල් නිසා එය තනිව සිටුවූ විට පවා අවකාශයකට අනන්‍යතාවක් ලබාදෙයි.ගසේ පාදම වටා අඩු උසැති ශාක, හෝ වෙනත් නිවර්තන ශාක යොදාගැනීමෙන් උස, වර්ණ සහ වයන අතර සුන්දර සම්බන්ධතාවක් ගොඩනැගිය හැකිය.
එහෙත් මගේ අත්දැකීම අනුව එහි වටිනාකම landscape design එකක මධ්‍යස්ථ ශාකයක් වීමෙන් පමණක් අවසන් නොවේ.
ගසක් වටා පක්ෂීන් පැමිණෙන්නේ නම්, කෘමීන් එහි මල් වෙත පැමිණෙන්නේ නම්, සුළඟ එහි අතු අතරින් ගමන් කරන්නේ නම්, සුවඳ නිවස ඇතුළට එන්නේ නම්—එය දැනටමත් භූ දර්ශනයක කොටසක් ඉක්මවා ගොස් කුඩා ජීව පද්ධතියක් බවට පත්වෙමින් තිබේ.

අපි උද්‍යානයක් සැලසුම් කරන විට බොහෝ විට අසන්නේ,
“මේ ගසේ මල් ලස්සනද?”කියලා.
නමුත් උද්‍යාන භූ දර්ශනය ට ශාකයක් තෝරාගැනීම කියන්නේ මලක් තෝරාගැනීම ම පමණක් නොවේ යි.එය කල්යත්ම දෛනික ජීවිතයට නිහඬව සහභාගී වන ජීවමාන පරිසරයක් ගොඩනගන්නෙක් බවට පත්වෙනවා. එය අපි දකිනවා. අත්විදිනවා.
ඒ නිසා හොඳ උද්‍යාන නිර්මාණයක් කියන්නේ ලස්සන මල් කිහිපයක් නිවැරදි තැන්වල සිටුවීම පමණක් නොවේ.
එය ශාකයත්, මිනිසාත්, නන්විධ සතුනුත් සෙවණත් එකම ජීව පද්ධතියක කොටස් ලෙස දැකීමයි.මෙකි සමනල් මල් ගස උගන්වා ඇත්තේ ඒ සරල කාරණයයි—

උයනක් යනු අපි නිර්මාණය කරන හුදෙක් තවත් තැනක් පමණක් නොවේ;
අප සමඟ තවත් ජීවීන් ගණනාවක් ජීවිතය බෙදාගන්නා පරිසර පද්ධතියකි .

🖊️සටහන - චතුරංග ජීවන්ති

සංස්කරණය - උද්‍යාන නිර්මාණශිල්පී, ක්‍රිෂාන්ත දේශප්‍රිය

0715643774 / 0713249100
Vision Landscaping Services
Kottawa / Gonapola See less

25/08/2026

උද්‍යාන නිර්මාණ කළාවේ මූලධර්ම මෙන්ම දේශගුණික සහ භූමියේ විෂමතාවයන්ට ගැලපෙන අයුරින් විවිධ උයන් නිර්මාණය; ඒවායේ නඩත්තුව පිළිබදවත් න්‍යායාත්මක සහ ප්‍රායෝගික දැනුමක් ලබා ඇති අප වසර 17 කට වැඩි සෙවා පලපුරුද්දක් සහිත රජයේ ලියාපදිංචි ආයතනයකි.
අප විසින් ඔබගේ ගෙවත්ත (Home Garden) කර්මාන්තශාලාව හෝ ආයතන අවට ඇති විශාල හෝ කුඩා ඕනෑම උද්‍යාන ආශ්‍රිත ව්‍යාපෘතියක් ඉතාමත් නිර්මාණශීලීව හා විද්‍යාත්මකව මෙම සේවාවන් ලබාදීමට සූදානම්...........

📞0713249100

🌿 තණ පිට්ටනි සැකසීම(Establishment of lawn)
🌿 මල් පාත්ති සකස් කිරීම(Flower beds and borders )
🌿 බිම්ඇතුරැම් ගල් ඇල්ලීම(Inter log Paving)
🌿 උදයාන නඩත්තුව(Garden maintenance )
🌿 ජල උද්‍යාන සකස් කිරීම(Water Garden)
🌿 කොන්ක්‍රීට් වහලය මත උද්‍යාන නිර්මාණය(Roof Garden,Beer Garden)
🌿 ගිරි උයන් සකස් කිරීම(Rock Garden)
🌿 උද්‍යාන කෘෂිකර්මය(Garden agriculture)

📞 වැඩිවිස්තර - 071 564 3774 /

20/08/2026

ඔබගේ උද්යානන නඩත්තු කටයුතු සදහා
අප අමතන්න: 071 5643 774
🍄 උද්‍යානයකට නඩත්තුව කොයිතරම් වැදගත් ද?🌿💧🌸

තම උද්යානය නඩත්තු කිරීම බොහෝසෙයින් ආදරණීය ක්රියාකාරකමක් වන නමුත් අවාසනාවකට මෙන් අපේ කාර්ය බහුල ජීවන රටාව නිසා නිවසේ එළිමහන් අවකාශය අලංකරණය කිරීම, ප්රිය උපදවන ස්ථානයක් බවට පත් කිරීම අපෙන් ගිලිහී ගොසිනි.ඉතින් කොහොමද අපේ ගෙවත්ත ප්රියජනක ස්ථානයක් බවට පත්කිරීමට සැලසුම් කරන්නේ?

ඔබ ඔබේ ශරීරයට අවශ්ය නිසි නඩත්තුව නිතිපතා ලබා නොදෙයි නම් ඔබව අනෙකාට ප්රිය උපදවන අයෙකු වන්නේ නැති, අපිරිසිදු පුද්ගලයෙක් බවට පත්වනු ඇත.ඔබ සෞඛ්ය තත්ත්වයෙන් පවා පිරිහීමට පුලුවන.එවිට ඔබටත් ඔබව එපා වෙන තත්ත්වයට පත්වේවි.මොහොතකට මෙම කරැනම ඔබේ උද්යානයටත් ආදේශ කර හිතන්න....
විශාල මුදලක්, කාලයක් වියදම් කර නිර්මාණයකර ගත් උද්යානයේ සුන්දරත්වය දීර්ඝ කාලීන එකක් බවට පත්කර ගන්නට නම් ඊට අවශ්ය නිසි නඩත්තුව අනිවාර්ය වූවකි.

තණ පලස කහපැහැයට හැරීම,වේයන් බෝවීම,තණ කොළ මාස කිහිපයකින් කපන්නට නොහැකි වී වල් පැලත් සමග තවත් වර්ධනයට ලක් වීම,සපුෂ්පක ශාකයන්හි මල් හට නොගැනීම, මල-පත්‍ර- දලු කොඩ වීම,පදුරැ ශාකයන් කිසිදු හැඩයක් නැතිව වර්ධනය වීම,වැට පදුරැ හොරෙකුට පවා සැගව සිටින්නට හැකි සේ ව්යාප්ත වීම,පොකුණෙහි වතුර දුර්ගන්ධයක් ඉසිලීම,කෘමි සතුන් බෝවීම,වෛරස් බැක්ටීරියා ආසාදන තත්ත්වයන් ව්ප්තිය,කුණු කසල නිසි ලෙස බැහැර නොකිරීමෙන් මදුරැ කීටයන් බෝවීම,ගස්වල පල හට නොගැනීම,යම් යම් කෘමීන් මර්නදය කළ නොහැකි වීමෙන් අනෙකුත් ශාකයන්ටද එය බෝවීම,ආසාදිත තත්ත්වයන් වලකාලීමට නිසි ක්රමවේදයක් නොදන්නා බැවින් තමන් ආසාවෙන් සාදාගත් ශාක පැලෑටි පදුරැ ගලවා ඉවත් කිරීමට සිදු වීම, යනාදී විවිධ හේතු නිසා උද්යානයේ සුන්දරත්වය ගිලිහී ගොස් අවිධිමත් ස්වභාවයක් උසුලයි.කරදර - කනස්සල්ල ඇතිවීම,කාලය-මුදල් නාස්තියවීම,අසල්වාසීන්ගේ දෝශ දර්ෂණයට ලක් වීම යනාදී ගැටලු පවා උත්සන්න විය හැකිය.

සැබැවින්ම එවැනි ගැටලු රැගෙන ආවේ උද්යානයේ වරදක් නිසා නොව; ගෙවත්ත සදහා වූ නිසි සැලකිල්ල - නඩත්තුව ඔබෙන් ගිලිහී යාමයි.නිවස තුළ සාමකාමි නිදහස් වටපිටාවක් පවත්වා ගැනීමට කාර්යබහුල ඔබේ මානසික සෞඛ්යෙ ගුණාත්මක බව පවත්වාගත යුත්තේ යම්සේද ඊට ඔබේ උදයානයේ පිරිසිදු සෞන්දර්යාත්මක ස්වභාවය ඉවහල් වනවාට සැක නැත.මෙහිදී ඔබේ අවිධිමත් උද්යානයට නිසි ජීවය ලබා දීමට නම් උද්යාතන අලංකරණ වෘතීයවේදියෙකුගේ සහාය අත්යවශය වනු ඇත.ඔබේ උදයානයේ ප්රමාණාත්මක බව අනුව,ඔබේ ගැටලුවේ ස්වභාවය අනුව උද්යාන නඩත්තු සැලසුම එකිනෙකට වෙනස් විය හැකිය.

උදා: උද්යානයේ ඇති ශාක ව්යාතප්තියේ විවිධත්වය,තණ පලසේ ස්වභාවය,වල් මර්නදය,ශාකයේ ඇති ඌණතාවයට සාපේක්ෂ පොහොර වර්ග තීරණය කොට යෙදීම,කෘමි නාශක - පළිබෝධනාශක යෙදීම,අතු-වැට කප්පාදුව,ශාක පැලෑටි සුදුසු පරිදි නැවත රෝපණය,මල්- පල හට ගැනීමේ ස්වභාවය යනාදී දේ සදහා කාලානුරෑපීව අධීක්ෂණයකොට ඒ සදහා අවශ්ය ක්රියාත්මකවීම් සිදුකිරීම; දිනපතා, සතිපතා, මාස්පතා, වාර්ශිකව යනාදී වශයෙන් තීරණය කළ යුතුය.

ඒ සදහා උද්යාන අලංකරණ වෘතියවේදියෙකුගේ ; නඩත්තුව සම්බන්ධ කළමණාකරණ උපදේශනයක් අත්යවශ්ය වනු ඇත.

ඒ සදහා අපව අමතන්න
Call 07155643774 / 0713249100

05/06/2026

ලෝක පරිසර දිනය 2026🌿💧

ලෝක පරිසර දිනය යනු වසරකට එක් වරක් පැමිණෙන සැමරුම් දිනයක් පමණක් නොවේ. එය මිනිසා සහ ස්වභාවධර්මය අතර පවතින සම්බන්ධතාවය නැවත සමාලෝචනය කිරීමට ලැබෙන අවස්ථාවකි.

විශේෂයෙන් 2026 වසරේදී ලෝකය තවදුරටත් දේශගුණික අස්ථාවරතාව, ජෛව විවිධත්ව හානිය, ජල හිඟය සහ පාරිසරික අසාධාරණතා සමඟ පොරබදමින් සිටින අවස්ථාවක, පරිසරය පිළිබඳ සංවාදය නව මට්ටමකට ගෙන යාමේ අවශ්‍යතාවය මතුව තිබේ. අද අප මුහුණ දෙන අර්බුදය හුදෙක් පාරිසරික අර්බුදයක් නොව, මිනිසාගේ සිතුවිලි, වටිනාකම් සහ ජීවන රටාව පිළිබඳ අර්බුදයක් ද වේ.

2026 ලෝක පරිසර දිනයේ මූලික පණිවිඩයක් ලෙස ඉදිරිපත් වන්නේ “Climate Action is Health Action” යන අදහසයි. මෙම අදහස තුළ අන්තර්ගතව ඇත්තේ මිනිසාගේ සෞඛ්‍යය රෝහල්වලින් හෝ ඖෂධවලින් පමණක් ආරක්ෂා නොවන බවයි.,එය ආරම්භ වන්නේ පිරිසිදු වාතයෙන්, සුරක්ෂිත ජලයෙන්, සෞඛ්‍ය සම්පන්න පසෙන් සහ ජීවයෙන් පිරුණු පරිසරයකිනි. එබැවින් දේශගුණික ක්‍රියාකාරීත්වය යනු පෘථිවිය බේරා ගැනීමේ ව්‍යාපෘතියක් පමණක් නොව, මිනිස් සෞඛ්‍යය, ආහාර සුරක්ෂිතතාව සහ සමාජ යහපැවැත්ම ආරක්ෂා කිරීමේ ක්‍රියාවලියකි.

කෙසේ වෙතත්, පරිසරය පිළිබඳ සාකච්ඡා බොහෝ විට අති විශාල සංඛ්‍යා, ජාත්‍යන්තර සමුළු සහ ගෝලීය ප්‍රතිපත්ති අතර සිරවී යයි. කාබන් විමෝචනයේ ප්‍රතිශත, උෂ්ණත්ව වර්ධනයේ දශම ගණන් සහ රාජ්‍ය ගිවිසුම් ගැන අප කතා කළද පරිසරය සැබවින්ම අත්විඳින්නේ එවැනි සංඛ්‍යා දත්ත තුළ නොවේ. එය අත්විඳින්නේ නිවස ඉදිරිපිට වැවෙන ගසක සෙවන තුළය. වසන්තයකදී ගෙවත්තට පැමිණෙන සමනලයකු තුළය. වැසි වැටුණු පසු පසෙන් නැගෙන සුවඳ තුළය. එබැවින් පරිසරය පිළිබඳ සංවාදය නැවත මිනිසාගේ දෛනික අත්දැකීම වෙත ගෙන ඒම අද අත්‍යවශ්‍ය වී තිබේ.තව දුරටත් දැනුවත් කිරීම් දේශන වැඩමුළු වලංගු නැත. අවශ්‍ය වන්නේ ප්‍රශස්ත ප්‍රයෝගික ක්‍රියාවන්ය.

අප ජීවත් වන යුගය.. පරිභෝජනය - ප්‍රගතිය ලෙසත්, ස්වභාවධර්මය - සම්පතක් ලෙසත්, ජීවීන් - සම්පත් ඒකක ලෙසත් දැකීමට පුරුදු කළ යුගයකි. එහි ප්‍රතිඵලය වන්නේ මිනිසා පෘථිවියෙන් වෙන් වූ ස්වාධීන බලවේගයක් බවට පත්ව ඇතැයි යන භ්‍රාන්තියයි. නමුත් එල්නිනෝ වැනි දේශගුණික සංසිද්ධීන් අපට නැවත නැවතත් මතක් කර දෙන්නේ අප තවමත් ස්වභාවධර්මයේම කොටසක් බවයි.

පෘථිවියේ උෂ්ණත්වය වෙනස් වන විට අපගේ ආහාර පද්ධති වෙනස් වේ. වැසි රටා වෙනස් වන විට අපගේ ජීවන රටාව වෙනස් වේ. වනාන්තර අතුරුදන් වන විට අපගේ සෞඛ්‍යයද අස්ථාවර වේ. ස්වභාවධර්මය පරාජය කිරීමට නොව, එය සමඟ සහජීවනයෙන් ජීවත් වීමට මිනිසාට සිදුවන බව මෙවැනි අර්බුද අපට උගන්වයි.
මෙවැනි පසුබිමක නිවෙස් උද්‍යානය පිළිබඳ අදහසට නව අර්ථයක් ලැබේ. උද්‍යානයක් යනු මල් කිහිපයක් හෝ විසිතුරු පැළ කිහිපයක් සහිත ඉඩකඩක් පමණක් නොවේ. එය මහා පරිසරයේ කුඩා නිරූපණයකි. මිනිසා සහ අනෙකුත් ජීවීන් අතර ඇති සම්බන්ධතාවය ප්‍රායෝගිකව අත්විඳිය හැකි ජීවමාන පන්ති කාමරයකි. එහි සිටින සෑම ජීවියෙකුගේම අන්තර් ක්‍රියාකාරිත්වය පෘථිවියේ අති විශාල ජීව පද්ධතියක කුඩා ප්‍රකාශනයනයකි.
ලොකු කුඩා සියලු ජීවීන් පරිසරයේ නිහඬ සේවකයන් ය . ඔවුන් නොමැති ලෝකයක් යනු පරාගණය අඩුවන, ආහාර නිෂ්පාදනය අඩුවන සහ ජීව විවිධත්වය දුර්වල වන ලෝකයකි. එහෙත් නූතන නගරකරණය, රසායනික භාවිතය සහ ආලෝක දූෂණය නිසා මෙම ජීවීන්ගේ ලෝකය කුඩා වෙමින් පවතී. එවැනි මොහොතක ජෛව විවිධත්වයෙන් යුතු ගෙවත්තක් නිර්මාණය කිරීම හුදෙක් විනෝදාංශයක් නොව, පාරිසරික වගකීමකි.

ජෛව විවිධත්ව උද්‍යානයක සැබෑ වටිනාකම පවතින්නේ එහි ඇති ශාක සංඛ්‍යාවෙන් නොව, එය ගොඩනඟන සම්බන්ධතා ජාලය තුළය.

උද්‍යානයක් යනු පරිසරය සමඟ නැවත සබඳතා ගොඩනැගීමේ සංස්කෘතික ක්‍රියාවකි.
අද ලෝකය කාලගුණික විපර්යාසයන්ට මුහුණ දෙන්නේ තාක්ෂණයෙන් පමණක් නොවේ. එය සම්බන්ධතා අර්බුදයකට ද මුහුණ දෙයි. මිනිසා ස්වභාවධර්මයෙන් වෙන් වූ බව සිතීම එහි මූලික හේතුවයි. ඒ නිසා පරිසරය සුරැකීමේ අනාගතය තීරණය වන්නේ නව තාක්ෂණයන් පමණක් මත නොව, නව සම්බන්ධතා ගොඩනැගීම මතය. ගසක් සමඟ, පසක් සමඟ, කුරුල්ලකු සමඟ, වැස්සක් සමඟ සහ අප ජීවත් වන භූමිය සමඟ නැවත සබඳතාවක් ගොඩනැගීම එහි ආරම්භය වේ.

ලෝක පරිසර දිනය අපට මතක් කර දෙන්නේ පෘථිවිය සුරැකීම යනු අනාගත පරම්පරාවන් වෙනුවෙන් කරන පරිත්‍යාගයක් පමණක් නොවන බවයි. එය අපගේම ජීවිතය වඩාත් සෞඛ්‍ය සම්පන්න, අර්ථවත් සහ සම්බන්ධිත එකක් බවට පත් කිරීමේ මාර්ගයකි. එබැවින් මේ වසරේ ලෝක පරිසර දිනයේදී අප අසිය යුතු වැදගත්ම ප්‍රශ්නය වන්නේ ලෝකය වෙනස් කරන්නේ කෙසේද යන්න නොව, අපගේම කුඩා හරිත ලෝකය තුළ ජීවයට තවත් ඉඩක් ලබා දෙන්නේ කෙසේද යන්නයි.
මන්ද අවසානයේ, මහා වනාන්තරයක් ආරම්භ වන්නේ එක් ගසකින් වන අතර, සුවපත් පෘථිවියක් ආරම්භ වන්නේ ජීවයෙන් පිරුණු එක් ගෙවත්තකිනි. 🌿🌎🦋🌱

"නිරෝගී පරිසරයක් යනු නිරෝගී සමාජයක පදනමයි. දේශගුණික ක්‍රියාකාරීත්වය යනු සමස්ත පරිසරයේම සෞඛ්‍යය සම්පන්න බව වෙනුවෙන් කරන ක්‍රියාකාරීත්වයකි. එබැවින් දැන්ම ක්‍රියාත්මක විය යුතුය."

#සටහන - Lanka Garden Center 🍁🌿
🤙0713249100 / 0715643774
🌱Kottawa /Gonapola



#ලෝකපරිසරදිනය




🌹උපුටාගැනීම් හෝ සංශෝදනය කොට පලකිරීම් නොකරන්න.
❤️කර්තෘ අයිතිය සුරකින්න.
සමාජ මාධ්‍ය රෙගුලාසි වලට අවනත වන්න 🌿

30/05/2026

සුබ වෙසක් දිනයක්!🌿

19/05/2026

14/05/2026

වැසි සමයේදී ඔබේ උද්‍යානය රැකබලා ගන්නේ කෙසේද? 💧......................................................................

වැස්ස කියන්නේ සොබාදහමේ ආශිර්වාදයක් වුණත්, නොකඩවා ඇද හැලෙන මහා වැසි ඔබේ සුන්දර උද්‍යානයට තර්ජනයක් වෙන්න පුළුවන්. අධික ජල තෙරපුම නිසා පස සේදී යාම, මුල් කුණුවීම සහ දිලීර රෝග වැනි ගැටලු රැසක් මතු විය හැකියි. ඔබේ ගෙවත්ත මේ වැසි සමයේදී ආරක්ෂා කර ගැනීමට අනුගමනය කළ හැකි සරල පියවර කිහිපයක් මෙන්න.

⛈️1. වැස්සට පෙර සූදානම

💧ජලාපවහන පද්ධතිය පිරිසිදු කිරීම:**
උද්‍යානයේ ජලය එකතු වන ස්ථාන හඳුනාගෙන, ජලය නිදහසේ බැස යාමට කානු පද්ධති පිරිසිදු කර තබා ගන්න.

💧අතු කප්පාදු කිරීම:**
මහා සුළඟට කැඩී යා හැකි දුර්වල සහ අනවශ්‍ය අතු කපා ඉවත් කරන්න.

💧ශාක වලට ආධාරක සැපයීම:**
උසින් වැඩි සහ දුර්වල කඳන් සහිත පැලෑටි සුළඟට ඇලවීම වැළැක්වීමට ආධාරක ලී හෝ කූරු තබා ගැට ගසන්න.

⛈️ 2. වැසි සමයේදී කළ යුතු දෑ**

💧අධික ලෙස පොහොර යෙදීමෙන් වැළකීම:**
දැඩි වැසි පවතින විට පොහොර යෙදීමෙන් ඒවා ජලයට සේදී ගොස් අපතේ යා හැකි බැවින්, වැසි අඩු කාලයකදී එය සිදු කරන්න.

💧ජලය රැඳෙන බඳුන් ඉවත් කිරීම:**
මල් පෝච්චි යට තබා ඇති පිඟන් හෝ ජලය රැඳිය හැකි වෙනත් බඳුන් ඉවත් කරන්න. මෙය මදුරුවන් බෝවීම වැළැක්වීමට මෙන්ම මුල් කුණුවීම පාලනය කිරීමටත් උපකාරී වේ.

⛈️ 3. වැස්සෙන් පසු රැකවරණය**

💧පස බුරුල් කිරීම:**
වැස්ස නිසා තද වූ පස මතුපිට මඳක් බුරුල් කිරීමෙන් මුල් වලට වාතය ලැබීම පහසු වේ.

💧දිලීර රෝග ගැන විමසිලිමත් වීම:**

තෙතමනය වැඩි කාලවලදී පත්‍ර මත ලප හෝ සුදු පැහැති පුස් හටගත හැකියි. එවැනි ලක්ෂණ දුටු වහාම සුදුසු ප්‍රතිකාර ලබා දෙන්න.

💧මැරුණු පත්‍ර සහ මල් ඉවත් කිරීම:** කුණු වීමට ඉඩ ඇති මැරුණු පත්‍ර සහ මල් වහාම ඉවත් කර උද්‍යානය පිරිසිදුව තබා ගන්න.

සැලසුම් සහගත උද්‍යාන පාලනයක් තුළින් ඕනෑම වැසි සමයකදී ඔබේ ගෙවත්තේ ජීව ගුණය නොකෙලෙසා රැකගත හැකියි.

සටහන - චතුරංග ජීවන්ති
සංස්කරණය -
උද්‍යාන නිර්මාණශිල්පී, ක්‍රිෂාන්ත දේශප්‍රිය

0715643774 / 0713249100
Lanka Garden Center
Kottawa / Gonapola

13/05/2026

නිරෝගිමත් උද්‍යානයක් යනු නිවසක හදවතයි fans